هنا

[صقر عراقي]

مسويلك فد فاينه لاسامح الله

هاي الفكرة هي التي تملأ مجالسنا بالنقاش اذا كان غير مهم اونقاش صائب
المهم فكرة خربطت احوالنا وخاصتا اذا آمن بها مثقف شيخلصنا
دائما المواطن العراقي انذاك .(امسوي فاينه )والحكومة صح
...................
انريد انشوف ونعدد الفاينات من المواطن على الحزب الحاكم
.....................
اذا طلع مظاهرة ضد الحكومة او الريس كلش طبيعي
.............
اذا يسب ويشتم الريس كلش طبيعي
.............
اذا ينتمي الى حزب معارض كلش طبيعي
............
اذا ينقد الحكومة بعقلانية اوعفرته بالحالتين طبيعي
................
بس بقت وحده فاينة من نوع اخر بمعنى لاحق للمثقف يسميها فاينة وهي غير منتمي
لحزب البعث .اشوهم انتمينا ودفعنا فلوس
...............
خلينه انكمل ونشوف جائز عندي فاينة وشنو يعني ليش مااسوي فاينة
كلش طبيعي
انشوف السالفة
اصبري وشوفي

[سومري 13]

هاي الفكرة هي التي تملأ مجالسنا بالنقاش اذا كان غير مهم اونقاش صائب
المهم فكرة خربطت احوالنا وخاصتا اذا آمن بها مثقف شيخلصنا
دائما المواطن العراقي انذاك .(امسوي فاينه )والحكومة صح
...................
انريد انشوف ونعدد الفاينات من المواطن على الحزب الحاكم
.....................
اذا طلع مظاهرة ضد الحكومة او الريس كلش طبيعي
.............
اذا يسب ويشتم الريس كلش طبيعي
.............
اذا ينتمي الى حزب معارض كلش طبيعي
............
اذا ينقد الحكومة بعقلانية اوعفرته بالحالتين طبيعي
................
بس بقت وحده فاينة من نوع اخر بمعنى لاحق للمثقف يسميها فاينة وهي غير منتمي
لحزب البعث .اشوهم انتمينا ودفعنا فلوس
...............
خلينه انكمل ونشوف جائز عندي فاينة وشنو يعني ليش مااسوي فاينة
كلش طبيعي
انشوف السالفة
اصبري وشوفي

إذا جنت تكذب على الحكومة هاي تعتبر جريمة.!
لكن إذا الحكومة كذبت عليك هاي ايسموها سياسة.

[صقر عراقي]

التلفون
..............
خلق ازمة .هذا المصطلح كثير من الناس يسمعونه والمشكلة احيانا يتكلمون بهِ لكن لايعرفوا معناه
وماالمطلوب من وراء هذة الازمة .
كيف نعرفها .
التعريف عملي وليس نظري .
اذا توجهت الى النفوس او الجوازات وحتى لو توزيع بيض .لان البيض عندما يستورد يكون محسوب
على عدد بيوت المنطقة .
اذا كيف نعرف الازمة
فأنت اذا شاهدت ازدحام كريه ممل داخل دائرة النفوس او ماشابه بمعنى هناك احدهم افتعل هذا الازدحام
لماذا وكيف .؟
طبعا ومثل هكذا ازمات بمعنى
المدير الاعلى يستفاد منها
مثال .
مرة ضاعت جنسيتي وراجعت على جديدة (شنو المشكلة ) الموظف يأخذ اسمي الكامل
ثم يدخل الى الملف ويأخذ كل المعلومات وخلال دقائق واسرع من الكمبيوتر باصدار اخرى
لكن ظليت اراجع اكثر من عشرين يوم وهذة الايام كأنها صراع وحرب مرة اجد نفسي في وسط الازدحام
ومرة بالاخير تمرمطت وصرت شاذي اشبه عزت الدوري تكرمون عن طاري اسمه
وبالاخير
رحت اشرب شاي عند جايجي .وكرسيه على تنكة ولما جلست وانطاني جاي .
سالني شعندك هنا خوماكوشيء .
كتله والله جنسيتي ضايعة واريد بدل ضايع
كالي اشكد صار الك تراجع كتله (اوهو .هواي اكثر من عشرين يوم )
كال اي زدحام وصعبة .
انا اعرف الضابط ..المدير الرئيس للدائرة انا رئسا كيفت اجتني من الله وعلى الله بس كون اخلص
ها .. هذا المطلوب بس كون اخلص من هاي الازمة
كتله الله ويدك ابن عمي
كال مدام انت جاي من بعيد اكدر اعوف شغلي واطلعها الك بساعتين
كتله اخوي
احنه انريدها من النشامة (النوب انه اتلوكله ) فوك الضيم
كالي
بس ديربالك عليه
كتله صدك جذب موتدلل
اخذ اوراقي (وطن وبن) وطلعلي من بين الجموع
ها بشر .
كال انطيتها بس لاتكول هذا عرف خاص
شنو سوى الجايجي
كالي بس انت اطلع بره وانا راح اجيبل جاي على حسابي حتى محد يعرف لماً اشتغل
انا عرفتها
يريد ايصيد واحد اخر
طلعت اعتقد الشغلة طولت اما ساعة اواقل ماتذكر من فرحتي ماسويت شيء يمكن بس صاحني وقعت
نسيت هاي الحركات .
بس اتذكر السالفة ابرمتها .
انطيته ابذاك الزمن خمس دنانير واخذت جنسيتي ورحت .
هاي الفائدة من خلق الازمة
كما المثل يصطاد بالماء العكر
وهذة الشغلة لحد الان بقت ارث من ذاك النظام وجرب روح سوي معاملة
طبعا بالمحافظات اكثر شيء لان انا قبل فترة راجعت بغداد على شغلة ورق
جدا سهلة العملية .؟

[صقر عراقي]

التلفون
.............
لما عشقت التلفون واردته ان يرن في بيتي كان الوقت فيه ازمة للتنصيب الجديد
ولااعرف من المستفاد منها .؟
لكني عرفت انها ازمة .ماهو الدليل على معرفتي بخلق هذة الازمة
فلقد تعجب اصحاب التلفونات من اصدقائي لاني عانيت الكثير ولم احصل على تلفون
في حين هم يقولوا قبل فترة (مثل اللي يركضون ورانه )تعالوا نصبوا تلفون ماذا حدث
شنو الحصل
لاشيء سوى رددنا الكلمة التي نذب فشلنا عليها وهي
فكَر .. والفكر فوك البعير وعضة الجلب . وبهذة الكلمة تبرأت الحكومة وتبرأ المسؤولون
فلقد كان الفكر .لاعب دوره
..............
العراق والعالم زمن البعث .
كل العالم لما وصل التطور وصنعو باص الركاب ..للنقل داخل المدن
فيلازم الباص هو مظلة في كل شارع ومنطقة .
مظلة يتقي الفرد تحتها من الشمس او المطر كذلك كمحطة للباص يعني الباص والمظلة متلازمان
الا العراق الوحيد الذي لو وصلت له مظلة باص تقرأفوقها (هدية السيد الرئيس)
انعم الله ياريسنا لوماتهدي لنا مظلة هدية ايصير الباص مثل التكسي وين ماتأشر له يقف
ماعنده مكان محدد كذلك يغرقنا المطر وتكتلنا الشمس (شكرا ريسنا على هذة الهدية)
لوماكلبك حنين جان اكلنا الضيم يابطل العرب .؟

[صقر عراقي]

التلفون
..............
في يوم من الايام
كان احد الاشخاص بعمري تقريبا .
هذا الشخص من نفس منطقتي الا انه يسكن بعيد عن بيتي يعني كنت اعرفه لكن من بعيد لبعيد
مجرد سلام كعابر سبيل .
وبالصدفة كنت في مكان .وفي ذاك المكان وجدته داخل مشكلة صغيرة ولما تقربت وتطفلت على جوهر المشكلة
فوجدته صاحب حق .وطبعا وقفت الى جانبه وانتهت القضية على خير والحمد لله
ومن ذاك الموقف اصبح صديقي المقرب .
بمعنى صارت اسرار مابيننا (ناخذ غيبة الى واحد اخر) ونسولف باشياء لايفهمها غيرنا يعني اخذنا فترة اصدقاء
.........
وايضا في يوم من الايام
كنا جالسين كمجموعة شباب تقريبا مراهقين ونسولف عامي شامي
وبالصدفة مر هذا الصديق الجديد .رآني مع الشباب واشترك معنا بالجلسة
ولاني الهج واتشكى واتذمر على تنصيب التلفون
فتطرقت للموضوع .واتذكر قلت افتريت الارض كلها وماحصلت بعد بس السماء يمكن اراسلها
المهم دار الحديث عن التلفون فقط واحد يصنف والاخر ينصح وواحد يكول انسه
وهكذا .لكن صديقي ساكت مااشترك بالموضوع يسمع فقط .؟
انتهت الجلسة شباب وطشّت .
ولما رحت جاء معي .وقال لي كالهمس
هل صحيح انت تريد تلفون وماتحصل .ضحكت كتله يمعود بس بعد انشرها بالجريدة
ياخوية راح اموت وماسمع التلفون يرن في غرفتي .
راسا كال .
صدك جذب .بسيطة واذا تريده هسة اجيبه الك
انا فزّيت ونظرت له باستغراب كتله .شنو انت شتحجي ضباط وبعثية كبار وصغار وسطتهم وماحصلت شيء
انت اشلون تحصله .
فقال لي انت تريد لوماتريد
بالله شنو هذا السؤال .الصراحة بدّي ازمخ عليه لواضربه من يكول هيج
انا ميت من الضيم والتعب والتشكي وهو يسألني ببرود
كتله يمعود لاتقهرني ادفع اكثر من سعره مضاعف بس كون انصبه
كالي
شرط ادزك على شخص وتروح وتنحل مشكلتك وبنفس اليوم تستلم تلفون وموبس هاي
كتله شنو بعد كال تنصيب الخدمة ببلاش .
هذا الكلام مقابل لهفتي ومطاردتي على التلفون ماكو وزن وقياس
لكني راضي ومصغي له بكل حواسي .امنيتي تتحق
لوكل مايردون ادفع .؟
فقال لي

[وردة..]

.







لا اظن ان هذه نهاية قصة الهاتف
اين التكملة..؟!






ـ

[صقر عراقي]

التلفون
................
الله شاهد على مااقول وكيف حصلت على تلفون
قال لي صديقي الجديد
............
لنستذكر المسيحية المسلمة هنيالها دخلت دينين عظيمين على مستوى الدنيا كلها
فلننسى الكلام بالمسيح والاسلام .
لان الخطائون نحن البشر يخرج من عندنا الدجال والمؤمن والبعثي والسربوت اما الدين
كما قالت السيدة ام كلثوم
العيب فينا وبحبايبنه اما الحب ياعيني عليه .
ولنسمي المسيحية المسلمة (فليحة)
................
قال لي صديقي اذهب الى فليحة وقل لها ارسلني فلان على انني اريد تلفون وقدمت عريضة ولم يستجابوا الي .
انا طبعا قدمت ثلاث عرائض اعتقد الموظف المستلم .يذبها بالزبالة
ووسطت اكثر من عشرين نفر مافادت الشغلة .
المهم
لما قال لي هكذا .انقلبت الدورة الدموية وصار قلبي يضخ الدم ويأخذ بالمكلوب .
كتله ابشرفك اروح الى فليحة .
هاي فليحة تعتبر بدرجة الشهيدة ام فهد او اكثر بالف واط من القوة على ام فهد
في يوم مررت راجلا من امام بيتها طبعا ذهابا وايابا كنت اريد احظى بفرصة لارى وجهها الجميل كما وصفوه
ونام داخل دماغي .
وانا امشي بقرب الباب والا احدهم لابس بنطرون رصاصي وقمصله تشبه البنطرون وكأنه لابس قاط موحد
والمسدس واضح من تحت قمصلته .
فقال لي .
ولك اشعندك تفتر هنا .
كتله عمي ماعندي شيء بس اتمشى .
كالي روح لااضيعك بالسجون لوارجعك الا امك واجعلها تطلك بيك مرة ثانية
اعوينت ابو اصلي انوخذنا .
انه .كتله وكنت انظر للمسدس لاعمي بعد مااجي هنا .
وراسا رحت واشعر امسوي فضل عليه بس هاي الزمخة والغلطة بسيطة مواعرف شنو التهم من البعثية
اصحاب المسدس . لويجي هولاكو مايعرفني وين
..............
اليوم يختلف عن امس لما قال لي صديقي اذهب الى فليحة
فليحة تعتبر بدرجة رغد وسجودة بالدولة لها ثقلها على المسؤولين ولها امر ونهي
شنو ام فهد شنو فهد بعد فليحة وماادراك مافليحة
ولما قال لي صديقي اذهب اليها وقل لها من طرف فلان .انا راسا تغيرت احوالي ونسيت التلفون فلقد شعرت برغبة
اكثر من التلفون وهي مشاهدة فليحة عن قرب .ياتلفون يابطيخ
انا غيرتتايرات للبيسكل الظهر الاحمر وانا رايح جاي على شان اشوفها وماشفتها
والمصيبة اصحابي كل مانذكرها يقول احدهم اليوم شفت فليحة اتكول جنية لوحورية نازله من السما
ولما صديقي خلص قوله .وتأكدت من صدقة
كتله خلص رايح لها
انا رحت للبيت غيرت الدشداشة ببنطرون كابوي ازرك طوخ وقميص احمر ماروني ومشطت ماكان عندي كريم
اغطي فيه لهيب الشمس استخدمت قطرات من دهن الحشايش وظليت يمكن ساعة بس اطلّع على شكلي من خلال المراية
انا نسيت التلفون ورحت بعيد بالتفكير .مراهق .وزوج .. اندفعت زايد بأفكاري
حذائي كانت مامصبوغة غسلتها بوصله بس ماي فقط يعني انخبصت وكأني طالع الى لقاء مهم مع حبيب خالص
(الغسل) للعقول المترهلة التي يحملها المراهقون .ماادري جائز بس انا افكر هيج
هاي لازم نسال مراهق وعنده شوق الى رأيت شكل مثل فليحة ومتروس رأسه من كلام الناس بجمالها حتى نعرف كل مراهق ايفكر هيج
لوبس انا .
اتعطلت اهواي وانا اصلح ابهندامي .
ثم خرجت ولما خرجت لاتسألوني عن شعوري وانا ذاهب اقابل فليحة لان ماعندي القدرة على الشرح وتوصيل الفكرة
لكن اوصف جزء من الشعور
شايف واحد عنده ماعون تمن (رز) كبير وعليه وذرة لحم جدا صغيرة
شيسوي يظل ياكل من الرز ويضع الوذرة للاخير وقبل ان يشبع يعني يختم الاكل باللحمة
هكذا كنت وانا امشي مرة اتأخر ومرة اتقدم .بدّي تأجيل الموعد الى وقت اخر ومرة اقول لا اضرب الحديد وهو حامي
انا الان لااعترف بالتلفون ولااهتم به وحتى نسيته
انا الان افكر برأية فليحة عن قرب هذا همي فقط .
المهم واثناء بعد المسافة وانا وسط تلك الدوامة من التفكير وصلت الدار وصلت الى باب فليحة
ياجماعة كنت اشوف الباب مختلف لااعرف هل هو مهيب ام مرعب وشعرت لما وقفت امامه كأني اجنبي غريب على البلد
وكأني اول مرة بحياتي راح اطرق باب .
الجرس ابصفي وانا اضرب على الباب ضربة ضربتين ثلاثة بعدها قوت ضربتي
ثم سمعت صوت مدري خفت مدري ارتعشت لان انا اساسا اهاب المرأة ودائما بنظري هي صاحبة حق حتى لوباطل
نوبات اجامل اصدقائي واقول لهم .
تدرون اكبر جبان امام المرأة منو .فيقولون منه اقول لهم انا ولااعرف كيف اتزوج اذا هيج جبان وارتعش واستحي من المرأة
اذا وقفت امامها
(انعم الله على المنتدى والتجربة خلتني سبع لايشق لي غبار امام المرأة)جذب والله بعدني استحي .؟
المهم
هاي النساء اللي مالهن وقفة في بالي فكيف فليحة التي كاد ينفجر قلبي لها شوقا وكاد ينثقب رأسي من كثر الاستماع
من الغير لشكلها الله يستر يارب تمشي الامور على خير
انا ذاهب لها ولااخفي عليكم فقلد نسيت قضيتي نسيت التلفون وكان تفكيري كيف اصمد امام جمالها وكيف اصغي وهي تتكلم
ومن هذا التفكير المبعثر المخيف .
وقفت امام الباب اشعر بالدم انحصر بمكان من جسمي ماادري لوبراسي لو داخل قلبي
............
وبعد الضرب على الباب سمعت صوتا هاتفا من وراء الباب كأنه يختلف عن الاصوات الاخرى
منو .
انا .
منو انت .سكتت ورددت انا
هذا الحجي والباب مغلق
تقرب الصوت منو حضرتك
انا كحّيت وقلت لها بشجاعة انا من طرف فلان .
رأسا فتحت الباب
شفتها اول مرة ووجها لوجه ماتبسمت بالعكس تجهمت وصفنت .؟
الحقيقة اللي وصفوها الي ماوصلوا الصورة صحيح طلعت اجمل واحلى خرجت بملبس
مااكول .؟
ثم سألتني وبأحترام اتفضل شنو يريد فلان
ماكالت لي شنو تريد . والله معدله ووفية مع اصدقائها
عاد كتلها وارتاحيت كان ناوي احجيلها كل القصة والمعاناة الا انها سالتني بالضبط ماهي حاجتي
طبعا بهذا السؤال حرمتني من الشبع من جمالها
كتلها اريد تلفون وماينطوني
فقالت لي
انتظر هسة اجيك غلقت الباب وراحت للداخل وانا لازلت واقف وراء الباب من الشارع
طولت اشوية لااعرف لماذا .. بس بعدين عرفت الظاهر خابرت المدير قبل لااروحله
ثم جائت انطتني ورقة نسيت لوصفرة لووردي نسيت اللون
تقدر بربع كف اليد
ماعليها بس توقيع وتحت التوقيع فليحة .اسمها حاف بدون لقب اوشيء اخر
وقالت لي
روح اعطي هذة الورقة للمدير فقط لاتعطيها الى غيره وغلقت ودخلت
اللقاء كان مابين الدقيقة او الدقيقتين سريع جدا
انا لزمت الورقة
كانت الساعة .الحادية عشرة ظهرا تقريبا يعني عندي وقت .
مسكت الورقة وذهبت الى المدير فورا
.................
يتبع

[وردة..]

.








م اطولها من قصه ولم تنتهي بعد
اخي المفروض تعمل كتاب
رجاء اكتب النهاية ب أسرع وقت
اريد اعرف قبل ذهابي من المنتدى
اتمنى لا تطول اكثر من هكذا جاني فضول لمعرفة النهاية














ـ

[طَمأنينة]

مستمرة بالمتابعة كمل القصص ..

[صقر عراقي]

البديهية .
الفلسفة تسميها ملكة احنه الغير فلاسفة انسميها موهبة
الموهبة تختلف عن الغريزة
الغريزة موجودة عند كل بشر وبعض الغرائز عند البشر وعند الحيوان والحشرات
مثل الخوف والجوع والعطش
فالبديهية .موهبة متفاوته مابين البشر مثلا
كل عشيرة بيها واحد يملك هذة الصفة والبقية لا
ونوبات تحضر الواحد ماادري من الله او كان الواحد ثابت غير مرتبك تظهر عنده بديهية مقنعة
ولما استلمت ورقة فليحة اكرمني الله ببديهية .بجواب سريع من فكرة سريعة
راح انشوف اشلون اجتني هذة الحسنة .الجواب الرائع انه اكول من الله واحمده واشكره
...................
لما اعطتني الورقة قالت لاتريها الى واحد ولاتعطيها الا للمدير نفسه ولاتجعل احد يعرف عنها
............
اخذت الورقة وفيت وعدل للمدير .
مدير البرق والهاتف .
السالفة .راح اقابل رجل وهذا من حسن حظي لاني لاأتلعثم ولابطيخ
هم زين مدير مومديرة .كان ماحصلت شيء لاني بقدر مااستضعف المرأة بشكل عام احترمها
ولهذا لااجيد ان اواجهها واطالبها بشيء حتى لوحقي هم اتنازل هذا طبعي
استحي من المرأة الغريبة .طبعا اذا شابه اذا كبيرة اشوفها حجية وقورة تعادل رجل
بس هم اشوفها ضعيفة مدري ليش .
يمكن من البيئة لان عدنا في بيئتنا جدا صعبة المخالطة اعتقد هذا السبب .
النتيجة
وصلت .صعدت بالطابق الثاني اول ماصعدت لاكاني واحد .ياولد وين رايح
كتله للمدير نظر الي وقال ذيج غرفة المدير
قريت على الباب المدير .
لكيت واحد كاعد بالباب لابس بنطرون وقميص ويشماغ بس ماكو اعكال
سلمت عليه وسالني اتفضل
كتله اريد المدير
الرجل تبسم في وجهي ونظر الي من الاسفل الى الاعلى وقال
منو حضرتك كتله ليش انا مراجع
كال شتريد من المدير .هنا تسكب العبرات وهنا تبين قوة فليحة
فقلت له
الشغلة خاصة
ولما كلت الشغلة خاصة انتفض وظل ساكت كام يحرك بشماغة يسرة يمنه واحتار
هو مايدري انا بظهري قوة (باور)مثل قوة سجودة ورغدة انا عبارة قادم اليه من صدام نفسه الا شعرة
وحده .
سالني مرة ثانية
عندك موعد معاه .كتله لا .بس انت روح كله اكوشخص يريدك خاص
فقال لي
يااخي يمكن .. مدري ياابني نسيت .
قال لي وشتشوفني شنو شغلي هنا
كتله انت فراش
حاول يعرف ماانطيته جواب .طبقت الى فليحة بالحرف الواحد
ثم قال لي
انتظر هنا وانا سوف اخبر المدير
شوية وطلع مع اثنين افندية (لابسين قوط) مااعرف شنهو .
وقال لي ادخل
دخلت لكيت المدير كرشة ضارب بالميز قصير اصلع مكرش
سلمت عليه رد التحية وعينه بعيوني
طبعا وهو جالس .
سالني اتفضل .طلعت الورقة وكتله هاي من فليحة
الله شاهد من كتله هيج كمز من الكرسي وافتر من حول الميز وطالسني وحياني من جديد
ثم امر على ببسي الي وماي
دخل الفراش جايب الببسي وعيونه عليه مستغرب يموت ويعرف السر اللي بيني وبين المدير
طبعا المدير سالني
قال لي
اكو واحد بالدائرة الفراش او اي واحد يعرف من اين جئت
قلت له لا ابدا .. بس الفراش حاول يعرف ومكلتله .
ارتاح وقال
كلش زين لاتكل الى واحد ولحد هاي اللحظة مايدري انا جاي على تلفون
الظاهر كايلتلها مشي اموره وشيريد انطيه
وبعد لحظاة سألني اتفضل شنو حاجتك
كتله اريد انصب تلفون
كال من هاي العين وهاي
................
هنا حضرتني البديهة
سالني شتعود لك فليحة رأسا تبسمت وقلت في نفسي ع السريع اذا كتله اقاربي
يعني انا منحدر من عائلة ساقطة تشبه فليحة
فكتله ماتعودلي
ثم قال وكيف تعرفت عليها
هم حضرتني البديهية
اذا كتله اعرفها اكون في نظره (ديوث )
والعياذ بالله لابو التلفون لابو الصنعه .حيرتونا يابعثية لابارك الله بكم ولابعفلقكم
كتله مااعرفها ولاشايفها غير مرة وحده لما انطتني هاي الورقة
حجيتله الصدك .
صفن شوية وكال من رخصتك دقيقة وجايك
خلاني بالغرفة وحدي الظاهر راح اتصل عليها
اخذ عنواني المنطقة والشارع ورقم الدار
وقال لي
اي شيء اخر تحتاج كتله اشكرك بس تلفون
ثم قال
من بعد ماملئت اوراق نسيت شنهو بالغرفة الثانية
قال لي
روح اما تجد التلفون منصب قبل لاتصل او تصل سوى مع عمال التنصيب
وطبعا من وصلت ورى ربع ساعة جائوا ونصبو التلفون واخرها
رن التلفون اشحلاتها رنته لكن مامشت الامور كما اشتهي
ابي نصبه قريب على فراشة
حتى لااستخدمه بكل شيء واجيب اطلابه مع البعث مثل مايظن ويهجس
ورى اسبوع مدري شهر
وصارت هجمة على المنطقة من بيتنه واحد راح من جيراننا الكثير
واستفادينه من التلفون شيء واحد
وهو
عند ضياع اخي بالسجون ومن دون ان نعرف باي سجن
كنا ننتظر واحد يخابرنا ويدلنا على اخي اوينطينا معلومة
بس هذا اللي استفادينه منه
وبالاخير راح رحمه الله ولارن التلفون من طرفه ابداً
بعد اسنين اتذكرت فليحة .
كلت عود ليش مارحت الى فليحة تبحث عن اخي مادام البعث يقدم
اتباع أم فهد كترند في حياتها ومماتها
هم زين الله يريده يروح ولافليحة واسطته
وطبعا من ذاك اليوم الى هذا لم ارى فليحة ولااعرف عنها شيء لحد هذة اللحظة
والسلام