هنا

[محمد البصراوي]

اهلا كرزاية ممكن كلاص شاي

[كرزاية]

اهلا كرزاية ممكن كلاص شاي

الف هلا
جاي وكعك بعد

[صقر عراقي]

انت مو بس معجب بشخصيتها
حتى بقراصتها هم معجب

لا ما اسأل هذا مو كرسي اعتراف
استظافة مال كهوة

ادري بيك تموت عالكهاوي

شوف هيج مواضيع وتطلع انت منها ماتصير حلوة
ولاتشد او نجمع عليها
بعدين غير هي كهوى وسوالف
فانت معتبرينك راس الشدة
احنه نمزمز جاي وجكاير وانتو تسولفون
هيج موضوع يشبه كرسي الاعتراف بس الفرق
اقل ثقل من الاسئلة من كرسي الاعتراف
دسال كم سؤال حتى يستمر الموضوع شوية
وفرصتك كرزاية قوية واجوبتها بالكصة
لاتشرد ارجع

[كرزاية]

وكملنا القهوى

ونروح لكوفي جديد مع

صقر العراقي

[طَمأنينة]

أهلا وسهلا صگر
ممكن تسولفي قصة حياتك مع البعثيه
ومن اگول قصة حياتك يعني اتصور هواي راح تكتب
فاني اريد تكتبلنه كل شي وكل والمواقف المؤثرة الك مع البعثية

[صقر عراقي]

أهلا وسهلا صگر
ممكن تسولفي قصة حياتك مع البعثيه
ومن اگول قصة حياتك يعني اتصور هواي راح تكتب
فاني اريد تكتبلنه كل شي وكل والمواقف المؤثرة الك مع البعثية

حياج الله ابتسامة
اي خلينه انصير صحبة وناخذ نصيحتج ونراجع دكتور
هههههههههه

[طَمأنينة]

حياج الله ابسامة
اي خلينه انصير صحبة وناخذ نصيحتج ونراجع دكتور
هههههههههه

اني مهتمه بالقصة
فاكيد ما راح تردني

[صقر عراقي]

مرة كنت ابعمر مدري اشكثر هوه زمن البعث منو يعرف مواليده بالصدك انزغر ونكبر نشرد من خدمته اللي اسمها
خدمت علم ووطن ورحنا بيها
..............
السالفة ياصديقتي ابتسام
مرة ايام الجوع احنه اثنين مدري شباب مدري صغار واهلنه جوعانين مثل ماتعرفي
وشفنا سيارة تيوتا داتسن يمكن .
المهم طبكت على بيت الرفيق كان اكبر جلب ابذاك الوكت
ونزلن صناديك مغطاية مغلفة مع اكياس بس صاحبي شاف من احد الثقوب مال الصندوك حبة طماطة
وكال ولك هذا منين جاب هاي الصناديك واحنه ميتين من الجوع
بيتناله .
وظلينا للصبح سهرانين ومع الاذان ونحن نعرف انه لايصلي بعثي يشبه الصدريين اليوم
اميرهم يطالب بصلاة جمعة وهم ولاركعة يصلون
سالفتنا
طفرنا على بيته ورحنا عدل ع المطبخ لكيناه مليئ طماطة وخيار وكونتين اطحين
احنه صغار شوية
طلعنا اخذنا اوسرقنا منه بقدر مانكدر وماكدرنا انشيل الكونية مرة وحده
العملية طولت اكثر من ساعة ونص
سوينه طفرتنا ع البيت ثلاث مرات بنفس الوقت
احنه انبوك ونستحسف انطشر الطحين حرامات ولهذا تأخرنا فرغنا نص الكونية بمواعينهم والنص الاخر خف علينا
واخذناه
وحملنا طماطة وخيار ولكينه الملعون عنده خبز اكثر من اللزوم خلينه ثلاث خبزات واخذنه البقية
كان في عقولنا
احل سرقة بالتاريخ يرضاها الله ورسوله
ولما سالنا .مومفتي لاسالنا الناس اللي تشبهنا كالوا حلال في حلال هو اكيد مستغل واحد وجايبهن خو موزارعهن
وانتو شبعتوا فيهن بطون جائعة مابعتوهن
وثاني يوم الحمار سوى هوسة موغبي وانا اتذكر مع صاحبي انهوس الى صالحة
نفاق حسب نظام الدولة .هذا النفاق هو من اهداف حزب البعث نحن اصحاب الهوسة ونبحث عن السارق معه
نفاق لومنفاق يالله ترهم مع البعثية والعيش معهم لابارك الله بهم
.............
اسالي كرزاية
​هل كان موقفنا حرام لوحلال ابزمن الضيم والجوع

[طَمأنينة]

احنه نقرا كمل سرد كل القصص المؤثرة اللي تعرضتله مع البعث

[صقر عراقي]

احنه نقرا كمل سرد كل القصص المؤثرة اللي تعرضتله مع البعث

تعرضت الى مواقف واحداث منها اكون انا بطلها ومنها ماشاهدته بعيني ويكون بطلها
احد العراقيين من النساء والرجال لعن الله ايام كان فيها الباطل والظلم اسياد الموقف
...................