هنا

[فقار الكرخي]

المرحوم الشاعر محمد الغريب كتب قصيدة ثلاثية يصور فيها حالته من السيئ الى الاسوء كتب الجزء الاول في عام 1977 وكتب الجزء الثاني في عام 1987 وكتب الجزء الثالث في عام 1997
اسم القصيدة ( عكس دوري )

قال في عام 1977
عكس دوري

بكل ناعور دار الماي
وانه تراب گام يهيل ناعوري

وكل عصفور عله وطار
وانه بنص قفص مسجون عصفوري

وكل شبچه تصيد الحوت
وانه بشبچتي مايحصل الزوري

وكلمن حصل الراده
وانه من الطلايب يبس حنجوري

وكلمن شرب چايه وراح
وانه اعله الوچغ ومثلج القوري

وكل ناطور عين الذيب ماتغفه
وانه من العصر ظل يغفي ناطوري

وكل بذره ..
أصبحت شجرة ! أصبحت بستان !
وانه وحيد هاي الناس يبست ماتت بذوري ؟

عكس دوري ..عكس دوري ..عكس دوري

وفي عام 1987
عكس دوري

الف رحمه اعله ابو ايامچ عكس دوري
ناعوري اليهيل تراب
حمل جمر ناعوري !

ومايگدر لحمل الضيم
طگ ومات عصفوري

ومتحمله حيايت ماي
شبچتي الصادت الزوري

وگصبه مشرگه مندوس !
من كثر الطلايب صار حنجوري

( وألف رحمه اعله ابو الماي البارد وافيش )
متخسف لگيته ومايع القوري

وزين وچان بس ينام
تخورس ونطرش ونعمه ناطوري

وفي عام 1997 كتب مايلي

ماظل عندي شي اخاف عليه
وبكيفچ عكس دوري

ناعوري ليحمل جمر
ظل بس عودان ناعوري

وطلعت ريحته ولا حيل بيه
الدفن عصفوري

ومن حاجتي عله ابو الفافون
بعته ومابقه القوري

وماظل عازه للناطور
شعندي ويظل ناطوري

صابر وانتي لتعبين ؟
ومطلعتني من طوري

وشما أسرع تفرين ؟اگلچ ؟
عكس دوري ..عكس دوري ..عكس دوري

[كرزاية]

كلش حلوه
شكرا فقوري

[فقار الكرخي]

كلش حلوه
شكرا فقوري

الاحلى مرورج