حبيب قلبي عدنان عاش منْ شافكالمشاركة الأصلية كتبت بواسطة عدنان الواثق
نزل خويه سامر يحتاج اشياء خفيفه وتساعد عالهضم لأن ست مواعين هريس مو هينه الله يكون بعونه
سامر وانسان ثاني وكثير ممن كان يحيي هذا الصرح الجميل سعاده لاتوصف بأنكم هنا ومدت بنا الحياة لكي نقرأ ماتكتبون
ماردنا الطلايب بس تجي گووووه
مرحباً سامر
طبعاً اعتذر اذا احد هذه الاسئلة مكرر لان قريت لحد الصفحة (٣) لذلك تگدر تتجاوز السؤال المكرر
١ _ من خلال مشاهداتي لـ مواقفك من ٨ سنوات لحد هسه اگدر ارسملك خط بياني ، يبلش من اليميني المُحافظ المتدين ، وصولاً لليساري المدني القابل للتغيير و التأقلم ، اني شخصياً كلش احترم الشخص الي يغير من نفسه نحو الافضل (الي هو يشوفه افضل) ما احب الانسان الجامد الي يبقى بنفس العقلية لسنين طويلة ، سؤالي ، شوكت بلش هل تغير ؟ شنو اسبابه ؟
٢ _ انت درست في ماليزيا ، محتمع متطور فكرياً و تقنياً ، على صعيد التجربة الشخصية ، شنو ضافتلك هل تجربة ؟ شنو القناعات الي غيرتها بتفكيرك ؟
٣ _ قبل كم سنة شفتك مثل الي تروج لمشروع سياسي ، ما اذكر التفاصيل حقيقةً بس في وقتها سألت سوزي گتلها شنو مرشح نفسه ! جاوبتني بوكتها بس بصراحة نسيت الجواب و بقت هل فكرة عالقة بذهني ، اذا ممكن تشرحلي بشكل مُبسط ؟ وهل ترى في نفسك سمات رجل السياسة ؟
٤ _ تگدر تنطيني اقرب حزب سياسي او شخصية سياسية قديمة او معاصرة تميل لمنهجيتهم ؟ خلي نعرف منو من الممكن ان يكون الاقرب لمنهجك ^-*
٥ _ سؤال شخصي جداً ما اعرف تحب تجاوب عنه بعمق او بـ اختصار ، في بداية تواجدي بالدرر انت كنت على ما اعتقد في نهاية مرحلة دراسة الماستر او احتمال هسه راجع للعراق ما اذكر بصراحة ، المهم چانت الادارة بيد اركي ، لان سوزان مختفية بسبب احتلال مناطقهم ، صارت رجعة سوزان و رجعتك و دخولي في نفس الوقت ايجوز خلال شهر ، و بوقتها انت حچيت ويايه على فد فكرة ابالك انه تحاول تحيي المنتدى وتسوي تغيير بالمنهجية ، وچنت تشجعني على تغيير سياسة القسم السياسي و بوقتها سملتني ادارة هل قسم و فعلاً صار الي وعدتني بيه ومحد ادخل بالقرارات مثل ما اتفقنا ، الغريب بالأمر انه ماسويت اي شيء من طموحاتك الي حچيتلي عنها ، بحيث حتى اني ما بقالي واهس وطلعت بعد كم شهر ، عندي تحليل انه اتعرضت لصدمة نفسية خلتك تفقد الشغف خلال كم شهر ، بل حتى ابتعدت اكثر من فترة سفرك و دراستك ، لان ماكو جواب منطقي غير هذا ، تگدر تشرحلي الي صار ؟
نجي هسه لفقرة الخطايا ^___*
بـ سلم ماسلو للاحتياجات الانسانية ، اختلف علماء الاجتماع على حتمية وجود المال من ضمن الدرجات الاساسية ام عدم وجودة ، بعتبار ان طلبه يؤدي بشكل او آخر لأهانة النفس البشرية ، سامر انت شلون تشوف نفسك من الناحية المادية ، جشع ام طماع ام تطمح بـ الاكثر دائماً ؟
مرة حضرتلك موقف تتناقش مع شخص و تحاول تبينله مدى عظمة عملك في انشاء الدرر ، بسرعة تبادر لذهني تواضع الاخوة محمد البصراوي ( مؤسس شط العرب) و حيدر الساعدي (مؤسس دجلة نت) و فادي كامل (مؤسس فنر توب) ، ابد ما شفتهم بيوم من الايام يحجون بهذا الفخر ! علماً اني وانت نعرف انه الاسماء المذكورة تفوق الدرر بكل شيء عدى التطور لانها انغلقت ، هل فعلاً المسؤولية تؤدي بصاحبها للغرور ؟
اني واقرأ في اجوبتك لاحظت ميولك لجانب الفلسفة ، وهذا شيء عظيم ، بصراحة هذا البحر ممتع وانت تقلب بالنظريات الموجودة حتى رغم اختلافك مع بعضها بس اكيد راح تاخذ الجانب المشرق منها
شنو رأيك بفلسفة بوذا ؟
شنو رأيك بفلسفة روح الله الخميني ؟
شنو رأيك بفلسفة زرادشت ؟
نجي على الاعمال الفنية
شنو رأيك بفلسفة مسلسل بريكنگ باد ؟
انت چنت دائما تدعي انه المنتدى ذو توجه مدني ما تابع لـ اجندة ، مقتنع في كلامك ؟
اني كـ عنصر محايد اشوف المنتدى في فترة من الفترات كان ذو توجه تياري *__^ ولي يحچي ع تيار الادارة تغضب عليه ، و استشهد بسوزان اكيد تذكر هل فترة !
حتى لو انت ما تملك هذا النفس بس لا تنكر انك سكتت و سكوتك كان موافقة ضمنية ، بينما حالياً ذو توجه علماني
عموماً اني ما اعتقد بوجود اي وسيلة اعلام حرة بدون ما تخضع لـ اجندة او آيدلوجية ولي يگول غير هذا الكلام ما اصدگه ، لأن انت في حد ذاتك اجندة ، من تملي قوانينك وشروطك على العضو بهل شكل العضو مضطر يتبع منهجيتك
و اصدق تشبيه ورد في رواية زوربا لنيكوس كازانتزاكيس
أنا حرّ يا زوربا ..
- كلا لست حراً ، كل مافي الأمر أن الحبل المربوط في عنقك أطول قليلاً من حبال الآخرين
خاف ثقلت عليك ؟ شتگول كافي لو بعد
انسان ثاني
مشتاقين وينك وين ايامك وين تفسيرات الحلوة والخشنة علينه
كانت ايام ولحظاة حلوة معك يارجل
............
سؤال الى سامر
شنو رأيك اذا العركة انتهت وواحد جاي هداد ابحديدة
..........
الجواب يتوجه الى انسان ثاني
..........
والله مشتاقين الك عندك طلعات فوك الحلوة احضر يمعود وافتحنه موضوع جديد
حياك الله يارائع
مرحبا صديقي
بصراحة ما عرفتك بس من اسلوب الكتابة مشبه عليك ، بس لا انت ابو رفحاء الي گاعد بـ امريكا و نهار كله تحچي عن مظلومية ابن السماوة و الدوانية ؟
المشكلة نسيت اسمك ولو هو مچان اسمك الحقيقي لان الي مثلك لحد هسه مؤمنين بفكرة (الاسم الحركي بالتنظيم) تخافون تكتبون بـ اسماءكم الصريحة
المهم انت هسه عرفت المن اقصد اني ، بربك انت نفسك لو غير شخص هههه
انت صح بس الزيادة مال رفحا .انمشيها اي صحمرحبا صديقي
بصراحة ما عرفتك بس من اسلوب الكتابة مشبه عليك ، بس لا انت ابو رفحاء الي گاعد بـ امريكا و نهار كله تحچي عن مظلومية ابن السماوة و الدوانية ؟
المشكلة نسيت اسمك ولو هو مچان اسمك الحقيقي لان الي مثلك لحد هسه مؤمنين بفكرة (الاسم الحركي بالتنظيم) تخافون تكتبون بـ اسماءكم الصريحة
المهم انت هسه عرفت المن اقصد اني ، بربك انت نفسك لو غير شخص هههه
بس هذا اسلوبك بما انه قمة بالجمال بس امدعفس اشوية ابحقي
فبدل ماتشكرني لحرصي على ابن السماوة والديوانية
لا .تروح اتخفف من عملي اعتبرها مدح بس من العد التنازلي
اي انت صح بس انا اعتقد ماناسي اسمي لكن تتعمد للتأكيد او لشيء اخر
يالله ارجع هاي الفترة وطلعنا موضوع (مثل بلاعنوان)اللي صار ترند
حياك الله حبيب الكل
سبحان الله دا اگلب بموضوع عودة سوزان وچان اشوف اسمك واتذكره واجيت اعدل ع رد بس لگيتك كاتب ردك
ماكو مشكلة مو جديدة عليه انه افتري عليك تدري بيه احب اداهرك ، بس گلي بعدك من جماعة ابو العوچية لو حولت ع العصرية ؟
