هنا

[بحار تائه]

مرحبا

مع قرب نهاية السنة الدراسية واعلان نتائج المعفيين وكذلك اعلان دخول البكالوريا
اكو موضوع احب انوه عنه
موقفين خلتني اكتب الموضوع

الموقف الاول
احدى الطالبات بحاجة الى درجة عالية بالفصل الثاني حتى تحصل على الاعفاء الكلي
من نكول اعفاء يعني الطالبة شاطرة وجايبة درجات ومتفوقة واذا تحتاج مساعدة ليش مااساعدها وافرحها وتحصل ثمرة تعبها لو كان ابنج او بنتج بمكانه مراح تساعدي حتى ينعفي ؟

مع العلم بالشهر الاول اخذت 90 وبالشهر الثاني اخذت 70 كان ممكن تنطيها درجة الشهر الاعلى وتنعفي لكن ماقبلت تنطيها الدرجة الاعلى وحرمتها من الاعفاء العام .


الحالة الثانية
طالب ثالث متوسط مستواه متوسط كان واكع بخمسة دروس وكلها بين 45 الى 49 يعني مايحتاج الى درجة عالية حتى يدخل بكالوريا .

ك مدرس تعامل بأنسانية ورحمة العدالة مطلوبة ولكن ايضا اكو رحمة وانسانية ممكن اذا دخل بكالوريا يدرس وينجح بدل ما تحرمه على مود درجتين مع العلم كثير طلاب عدهم واسطات ساعدوهم ودخلوا بكالوريا .

المدير يكول الشغلة مو يمي يم مدرسة المادة ماقبلت تنطي درجتين حتى يدخل بكالوريا وارجع واكول لو ابنها او اخوها او ابن اخوها او ابن اختها مراح تساعده وتنطي درجات وتدخله بكالوريا ؟؟؟

[كرزاية]

مراحب اخي مع الاسف بعض المدرسين والمدرسات ميحسون بالطالب ومالهم خلك يجي يشرح ماده ويطلع شكد بالورقه يخلي

جنت بالابتدائية كلش شاطره كانو وياي طالبات بنات مدرسات حتى ماطلع اني الاولى ينزلون درجاتي بارياضه والفنيه حتى بناتهم يطلعن الاوئل

كله واسطات وقله قليل تلكاهم صدك مدرس ومدرسه محللين راتبهم

[علي الواسطي]

مراحب اخي مع الاسف بعض المدرسين والمدرسات ميحسون بالطالب ومالهم خلك يجي يشرح ماده ويطلع شكد بالورقه يخلي

جنت بالابتدائية كلش شاطره كانو وياي طالبات بنات مدرسات حتى ماطلع اني الاولى ينزلون درجاتي بارياضه والفنيه حتى بناتهم يطلعن الاوئل

كله واسطات وقله قليل تلكاهم صدك مدرس ومدرسه محللين راتبهم

تحية طيبة لصاحب المشور

مداخلة على كرزاية


شلون ترديهن ينطوج درجات حتى تتساويين وين ابناءهم ميصير طبعا ههه

[وَتِــيـن ﮩ]

خل اگولك شغلة عزيزي اول شي الواسطة وين متروح موجودة بأي مكان واي زمان وبكل الدوائر والمؤسسات وكلمن يريد يفيد ربعة
وانت من الناس لو بيدك سلطة تفيد ربعك وتعوف الناس هاي اولا
ثانيا
لتعم ع كل اكو مدرسين الدرجات يمهم امانة ترة مو شرط شاطرة يعني تجيب اعفاء هذا اعفاء ابو اقل درجة 75 ولازم معدلها 80
برأيك الي تحتاج 100 دتوصل 75 هاي شاطرة؟
واذا جابت قبل نصف السنة بالتسعين ونصف السنة نزلتها شلون معقولة تنطيها 100 كاملة هاي المفروض هيج لازم تنطي 100 للكل

ترة الدرجات امانة وقهر الطالب ودمعتة برگبة المدرس لتعبالون الشغلة هينة
اني ك مدرسة درجاتهم نهائيا ماانطي بكيفي لو درجة كلها كوزات وبالورق بعذ نصف السنة كلها نزلت درجاتهم
يصير اجي انطي درجه من كيفي وهي راسبه بالكوز علمود تنعفي؟
زين والبقية الي مثل حالتها؟
تره هاي درجات مو ثواب

وياعيني الي معفية مبينة من درجاتها وشطارتها ومتحتاج اصلا

مو تجيب بالسبعين وستين وتعالو خلولي 100 كاملة داانعفي واخلص
زين المرحلة الي بعدها شون يگعد يدعون ع مدرس الي صعدهم

وانتو الاهل ياريت تابعون الطلاب من البداية حتى تلافون هالسالفه خل يجيبولكم الاوراق شوفو نتائجهم تابعوهم مو مقضيها تسخت وميداومون وميحضرون وميشاركون وتالي تتذكرون نهاية السنة وتتحسبون ع استاذ

واعيد واكرر الشاطر ميحتاج
بس قرارات هالوزارة المدري شلونها خلتنا بهالمواقف


ويعني الواگع بخمس دروس هسه تذكرتوا بي؟ من راح يمتحن مراح ينجح اصلا هيج مستواه لو محضرين الواسطات
من يصعد ومينجح هذا يرجع نسبته للمدرسة



خلو الله بين عيونكم واحجو العدل

عود مخلي العنوان نفسية المدرسات تره عيب ....

[كرزاية]

تحية طيبة لصاحب المشور

مداخلة على كرزاية


شلون ترديهن ينطوج درجات حتى تتساويين وين ابناءهم ميصير طبعا ههه

هههه هم صح

[Suzana]

البعض مفتهمين الاعفاء غلط ...تره بس المجتهد والذكي يستحق اعفاء درجاته هذه حقيقية مو تعالوا حطوله 100علمود يطلعله 75 وينعفي وكل هذوله اللي عفوهم مامستحقين اعفاء لانه الواسطه هي اللي تتحكم بالموضوع

[احمد العثمانيے]

مو مهم الإعفاء
بقدر ما حب الطالب لدراسته وواهسه بالدراسة ككل مهما كانت المرحلة اللي بيها الطالب هو الأهم برأيي
المفروض يبقى بمنحى ثابت وما تتزعزع ثقته بنفسه وكلنا نعرف بعد ما مرينا بكل هالمراحل الأهم والأساس هو السادس إعدادي

نعم يحصل تذبذب بمرحلة من المراحل لأسباب خارجة عن إرادة الشخص بس لازم يبقى الإصرار كما هو تُعطي جهد للدراسة تكفائك بالدرجات. نقطة

عن نفسي بالمرحلة الإبتدائية الوزارية أنا الأول على مدرستي ومن ضمن مجموعة من التلاميذ الأوائل على مستوى محافظتي

بس من دخلت المتوسطة، انعفيت بالأول بمادتين وبالثاني بمادة فقط، والسبب تذبذب المستوى بسبب اللهو المبالغ بي وكذلك ظروف وأسباب أُخرى، بحيث فقدت الشغف حتى وصلت الإعدادية ردت أترك الدراسة نهائياً.


وعلى ذِكر المحاباة من التدريسي تجاه (س) أو (ص) من الطلبة:
كنت أنافس تلميذ وياي بوقتها والدته معلمة سوت كلشي حتى اتاذى معنوياً مع ذلك ما گدرت، جبتها بزودي وتعبي.


بالنهاية اللي ذكرته مجرد رأي

تحيااااتي

[علي الواسطي]

ولو الموضوع مو نقاشي بس

لاحظت شي بالموضوع

انه المدرسات والمعلمات مينطن بنفسهن ولا بزميلاتهن ولا كأنه هالشي موجود بمدارسنا ودنشوفه

اذكر وحدة اقاربي معلمة انكليزي جانت متعينة جديد تسولف تكول من تجي الامتحانات يجن المعلمات يردن الاسئلة مني حتى ينطنها لولدهن وتكول بيناتهن وحدة تنطي الاسئلة مالتها للثانية على مود ابنها .

حتى قسم تكول بيوم الامتحان متخلي يجي بحجة مريض وبعدين تمتحنه واكيد تساعده

شغلة ثانية بخصوص الاعفاء لو يطبق عالكل محد يعترض بس ابن الممدرسة اله استثناء

[زهرة اللوتــس]

صحيح اكو واسطات بكل مكان وزمان بس يعني اذا الطالب كان محتاج 100 لحتى ينعفي ليش ماجابها بزوده .. والله اتذكر بصف رابع عام كنت محتاجة 100 بمادة الاحياء لحتى انعفي كتلت نفسي بالدراسة لمن جبتها
والمدرّسة وكتها ماعندي اي صلة بيها بس جبت 100 بزودي وتعبي والحمد لله انعفيت ..

لازم الطالب مايضل يعتمد على فلان وكم درجة لازم اذا يريد شي يسعى ويتعب علمود يحصله