درر العراق

نوارس الياسري · 4/April/2013

اليزعل واليحب يدللون هواي...
الشبه بيناتهم روحين محتركة...
المتواعد وفاتة الموعد وماجاي...
تلكة اعلة الدرب نضراتة متعلكة...

امنسولف بيك احس بصفي تطلع نار..
وتخيل لحدمن واصلة الحركة..
.
اليتوضة بخجل عندة اليحب معصوم...
وساعات العبادة سوالف الفركة...
على زنودك علك شديت ادي تذكار..
كلت الشافهن بصمة محب يلكة..

شهكت سوالفك حجيك ترس ديوان..
سوالف مو الي ماطلعن بحركة..
تعال بداعت الشيب الطلع بجفاك...
موتدري الكبر خنكة....

الاهي بداعتك كافي...
الاهي اتعب الفركة..
الاهي سوالفة ابالي...
اليحب موبالجمر جلمات التحركة...

على طرف النفس زارع خلك بي طول..
مثل خلك امي من طاح العمر وركة..
على جفنك سهر بي حلم شابع موت...
حلم شايب مكمط روحة مختنكة..

(((حاجيت الخذاك سوالفي ونساك..
كتلة العفتة كلش خلصت خلكة..
كتلة اعلة البرد جنت اني المدفيك..
كتلة بشوكنة جنة الهوى نحركة..
كتلة اكلوبنه جبناها بالايجار..
شحجيت وياة كلي وجذبك مصدكة)))

حلفان الجرح لوطعنة لوسجين..
وحلفان الحبيب وداعت الفركة..
كلبك جان فارغ هسة لابي خير..
جنت تحلم تحب بس هسة تستنكة..
يمر طيفك وفز بس الكة غيري وياك...
ويسالوني وكلهم كل شي ما الكة