هنا

[فقار الكرخي]

يكولون الركص هم يعتبر رياضة ويضعف

يومية ساعة ساعتين شغل المعزوفة وهز وياها

ها لا تنسى تشد وصلة

لك هاي غير شغلة

ذكرتني بسالفة

هاي بأيام الدواعش كتبت قصيدة حماسية
وهيأت اجواء الغرفة
حتى اسجلها
مشغل موسيقى وتعرف القصايد الحماسية
يرادلها صوت عالي وانفعال
واني القي بيها اندكت الباب علية
ها فقار فقار
اني اسمع الصوت بس مطنش اريد اكمل القصيدة
وطب ويدفرون الباب علية ويدخلون الجوارين

لك شكو
شبيك

جايبن داكين الباب وامي كايلتلهم اصعدولة
وامي صعد ضغطها عبالها تكهربت
واني عبالي الدواعش طبولي


لك هاي غير سالفة

[صقر عراقي]

المشكلة ماكدر اعوف الاكل

لاتعوف الاكل
بس عندك اهواية اكل مايبعث السمنه
افكاتو .تغنيك عن راس باجة
البرتقال والموز
تولة .خباز
خبز وفجل حاف لفة .تشك شك .
اهواية غير التشريب والتمن ومرك
هن ذول المصيبة . ابتعد عن المفطح ومشتقاته
انت ببغداد لاتنسى تكدر تتمشى من الكرخ للرصافة
ومن المنصور للاعظمية والطريق سالك
وانت بالطريق نوبة تفاحة نوبة خس نوبة موزة
هم رياضة وهم اكل
والا اتظل منفوخة دشداشتك جنك حامل ابتوم تكعد ابصعوبة وتكوم ابصعوبة
والمرة بعد سنة اتكول هسة انه هاي قسمتي
امكرش وماكو قياس للبنطرون عليه
مثل ماانت صابر العمر كله وبلا زواج يااخي اصبر شهرين بلاتشريب وملحقاته

[آيمـيلُِـي ♪]

واذا تحب اكلك العادي مثلاً مسوين دولمه الاهل

سويلك صحن معزول عنهم مو أله تاكل بالصينيه

وضيف بروتين ويه وجبتك
الرجيم ترى مو تكتل روحك وما تاكل دهون غلط تصير عندك خربطه بالأمعاء

وراح يصير عندك نقص معادن
مغنيسيوم D3
يساعدنك على الراحه والنوم من وقت لان النوم يفيدك

[علي الواسطي]

فقار خاف جوعان هسه

[فقار الكرخي]

اشرب جاي مر ترى طيب والله وأكل تمره ويا او استبدله بسكر دايت


شوف جيبلك اير فراير تفيدك بشكل رهيييب
واشتري كمية من صدر الدجاج وسوي اقسام
قسم تكه وضمه وحد
وقسم گص بدون تتبيله وضمه على صفحه
قسم للشوي
جيبلك سمجه وقطعها وجبات
وشتشتهي خلي بالاير فراير
و
وتمن مبزول + زلاطه كثر شرب مي قبل الاكل اكلاص اكلاصين وكاسه زلاطه وبعدين ابدأ بأكلتك الرئيسيه

راح متخلصها لان شبعان
هذا نظام حقيقي و واقعي احسن من انظمة الدكاتره تكون قاسيه

اير فاير شنو؟

والماء هو يخلي الكرش يدندل

سكر دايت قصدج سكرين ؟

اكلبها دجاج اويلي اتخبل منه

[آيمـيلُِـي ♪]

فقار خاف جوعان هسه

ابد مو خباثه

[آيمـيلُِـي ♪]

اير فاير شنو؟

والماء هو يخلي الكرش يدندل

سكر دايت قصدج سكرين ؟

اكلبها دجاج اويلي اتخبل منه

القلايه الهوائيه لازم سامع بيها

ما اعرف بس سامعه عنه اني اصلا علاقتي بالسكر موش طيبه

شتحتاج طرق للدجاج اني اعلمك والله بالعكس اطيب شيمو ممل تكدر تسوي اكثر من طريقه

[فــــاطـــمــة]

اني كل اكلي دهون ولحوم عبالك نمر
زين يصير اكل والعب رياضة
لو مترهم اله اكطع الاكل

هههههه خالي اذا هيج مترهم ومتحصل الوزن اللي تريده وبالنسبه لشروط التنحيف مو يعني من باجر تگطع الاكل لا وانما تبدي شويه شويه تاكل منا لمن تتعود تكطع الاكل يعني مثلا انت باليوم تاكل ثلاثه او اربعه گرص خبز انت حاول تقلل باجر سويهن اثنين وبعدها وحده وبعدين اتركه وسلامتكم

[علي الواسطي]

ذكرتني بالرجيم

اني مو سمين بس عندي كرش

وزني ثابت لا يزيد ولا ينقص صار سنين

مرة قررت اسوي رجيم
كلت للمرا بعد ما اتعشى سويلي بس زلاطة باوعتلي صفح كالت اول تالي

المهم سوتلي زلاطة واكلتها تقريبا الساعة بثمانية بالليل

لحد ماوصلت الساعة ب ١٢ كتلني الجوع

كلت للمرا كومي سويلي عشا

[فقار الكرخي]

لاتعوف الاكل
بس عندك اهواية اكل مايبعث السمنه
افكاتو .تغنيك عن راس باجة
البرتقال والموز
تولة .خباز
خبز وفجل حاف لفة .تشك شك .
اهواية غير التشريب والتمن ومرك
هن ذول المصيبة . ابتعد عن المفطح ومشتقاته
انت ببغداد لاتنسى تكدر تتمشى من الكرخ للرصافة
ومن المنصور للاعظمية والطريق سالك
وانت بالطريق نوبة تفاحة نوبة خس نوبة موزة
هم رياضة وهم اكل
والا اتظل منفوخة دشداشتك جنك حامل ابتوم تكعد ابصعوبة وتكوم ابصعوبة
والمرة بعد سنة اتكول هسة انه هاي قسمتي
امكرش وماكو قياس للبنطرون عليه
مثل ماانت صابر العمر كله وبلا زواج يااخي اصبر شهرين بلاتشريب وملحقاته

طبعا والله العظيم مو شقه
ما اكدر اعوف الاكل مثل التمن والخبز
والباجة والتشريب واللحوم
ولهذا السبب حتى رمضان ماصمتة
ارادة بالهل موضوع ماعندي ابد
وبديت استسلم
جنت سابقا اروح امشي يومية ٥ الى ٦ كيلوات
والجان يمشي وياية تزوج وترت المشي
وجنت العب طوبة هم تركتها لأن كل لعبة اتعور
من تركت المشي والطوبة بدت تببن علية السمنة