كلمات لطمية يا عزيزة الحسين دانيال بوجبارة( مكتوبة)

ياعزيزة الحسين | دانيال بوجبارة
من أطب الحضرة
چن أزور الزهرة
ياعزيزة الحسين..يارقية

هايم..بأربع احروفچ..ياللي معروفچ..
فضله عليه
الوادم..بعشگي عرفوني..الهذا سموني..
عبد رقية
خادم..وخدمتي تاجي..وإنت منهاجي..
يالهاشمية
دايم..ذكرچ ابگلبي..وسيدة حبي..
لحد المنية

إنت كل موضوعي
و بسمتي و دموعي
ياعزيزة الحسين..يارقية

شعلة..چالقبس وصفي..وحامل ابچفي..
وردي بعبيره
طفلة..بس مقامچ عالي..بأول وتالي..
أعظم أميرة
قبلة..صرتي للأحرار..ومنبع الإيثار..
منچ نميره
يحلى..الخدر بچفوف..عمچ المعروف..
بدر العشيرة

وفي سما زينبنا
صرتي كوكب ربنا
ياعزيزة الحسين..يارقية

بچفه..شالچ حسينچ..وأصبح ابعينچ..
هيبة جماله
ترفة..ومظهرچ إنسي..وباطنچ قدسي..
بسر الجلالة
العفة..بمحور اعيونچ..وشلتي بمتونچ..
أشرف رسالة
وصفة..للحزن ذكرچ..وعاصمة صبرچ..
مأوى البسالة

جوهرة قدسية
راضية و مرضية
ياعزيزة الحسين..يارقية

عارف..بفضلچ وحقچ..الخالق اشتقچ..
بنور الإمامة
شايف..عزي من خيرچ..والگصد غيرچ..
شاف الندامة
طايف..بكعبة أمجادچ..وهذي وفادچ..
تنول الكرامة
الخايف..من يدگ بابچ..ويلثم اعتابچ
يلگى السلامة

ماتخيب آماله
و تعتدل أحواله
ياعزيزة الحسين..يارقية

الزاير..من يجي يمچ..چنه زار أمچ..
أم الأئمة
شصاير..بنبضي وعروگي..ورايد ابشوگي
گبرچ أضمه
حاير..و روحي تطمن..بالفرح لمن..
عطرچ أشمه
طاير..فكري للشباك..ومهبط الأملاك
ياأحلى نجمة

زايرچ سجليني
بحضرتچ خليني
ياعزيزة الحسين..يارقية