هنا

[ارجع يازمان]

ياخنكه منهن أذتك؟؟؟
:::::
الخنكات اعددهن الك !
منها الدمع يجاره,,
.
بيهن مثل خنكت كبُر
ما ترهملها االجاره!
.
وخنكت عليل الماكدر
يمشي العدوه ابثاره!
.
وخنكت الفاركله مُحب
يتحسر اعله اخباره,
.
وخنكت يتيم ابلا هِدم
والعيد اجه باأنواره,,
.
وخنكت امجتف واحترك
ابحسراته زادت ناره!
.
وخنكت المديون البعد
محد يصَدك اعذاره,
.
وخنكة مؤجر وامتحن
بين الأكل وايجاره!!
.
وخنكة امصابر وانتظر
بس ما اجته ابشاره!
.
وخنكت امزامط باالشعر
بالغفله ينسه اشعاره!
.
وخنكت امكابر وانكسر
وشامت عرف بااخباره!
.
وخنكت مريض ابهذرته
العدوانه يحجي اسراره!
.
وخنكت شريفه وأمنت
عند المريضه أفكاره!
.
وخنكت المذنب وانعدم
ما كمل استغفاره,,,
.
وخنكة المتوازي ابحرب
وتعوفه كل انصاره!!
.
وخنكت دخيل المادره
طب العدوه ابداره,
.
خنكه الهيبه وحرمته
الما ثكلت معياره!
.
خنكت ثكيل وقللوا
من قيمته ومقداره,
.
خنكت مضيف المالكه
لكمه الحلك خطاره!
لكمه الحلك خطاره!
حسين االساعدي

[زينب | ١٤٢٤ هـ]

جميل شكرا