كلمات لطمية باب الجنة ( مكتوبة)حيدر البياتي
كلمات لطمية باب الجنة حيدر البياتي
إعلم إفهم كلامي واسمع زين
ديني صومي صلاتي حب حسين
إسأل عنه
باب الجنه حب حسين
..
بگلبي جمله
اجمل عباره انكتبت حسين وبس
الخدمه ذله
وانت اليخدمك عطر خيمه اتنفس
التدعيله امه يصير يمك خادم
طاهر حليبه اتكول عنه الوادم
الخلص حياته بخدمتك مو نادم
گالو إنسه وجوابي لا والله
أنسه الدنيه بكبرها وما انساه
ادخل منه
باب الجنه حب حسين
...
لجله صرنه
ربك خلقنه لخاطره لطامه
بي كبرنه
واكبر من شيوخ السلف خدامه
لاخر شبر بالگاع حچيك وصله
بيرغ عشيرتنه نحر مو وصله
الينكر اصلنه خله يعرف اصله
إعرف قدرك يخادم بين الناس
شايل رايتنه بيده چف عباس
مفتوح إلنه
باب الجنه حب حسين
...
يالجمالك
سولف علي يوسف ابير سنينه
الما بچالك
لو شمس تطلع ما يشوف بعينه
اجمل بشر عطشان ابن الكوثر
لون غروب الشمس دم المنحر
النتغير احنه حسين ما يتغير
العنده حسين بحياته يظل سلطان
العافه وعاف المجالس مو إنسان
لبابه اتعنه
باب الجنه حب حسين
...
بالمواكب
ما عدنه ابو موكب يدور شهره
هذا واجب
الرادود مو صاحب فضل من يقره
شاعر العتره ذني مو مالاته
لو ما الزهره ما كتب ابياته
خادم حسين بفطرته شمحلاته
منبر اهل الخطابه بي مضمون
لو ما فضل الزچيه ما يقرون
كلمه ومعنه
باب الجنه باب الحسين
...
شقدمينه
يا لطم يوفي حسين سحگو صدره
شما بچينه
ما نوافي شوغه من حسرات نحره
يا ناس ذبحو كل هله وكل ناسه
يا ناس فوگ الرمح شالو راسه
يا ناس صدر حسين حافر داسه
عشگي قصته عجيبه كلها آلام
اخذو اخته الحبيبه لدرب الشام
غطه بحزنه
باب الجنه حب حسين
...
من البدايه
قصة غرامه من الولاده تبدي
وللنهايه
ابقى اصيح حسين حتى بلحدي
الماعنده مثل حسين شله بعمره
الدنيه كلها تروح فدوه الكبره
تصور الزهره تكله روح الزهره
اخر واول يقيني عشك صار
ياهو اليعشكله جنه ويدخل نار
نصرخ كنه
باب الجنه حب حسين
رد مع اقتباس
