فريت دماغي ١٨٠ درجة الله وكيلكالمشاركة الأصلية كتبت بواسطة صقر عراقي
اخر نصيحة اذا انت جاد بالقضية
فكر تترك درع بالبيت
الدرع يقينا من الطعناة ولما نشتريه اونصنعه
نعتني بقوته اكثر من جماله .
............
ولما تحصل على الدرع المطلوب تملك سعادة الدنيا والاخرة
الاخرة مانعرف عنها شيء غير السمع والقراءة وتريد منا الزيادة بالتقوى ومن ضمن التقوى
هي التفكير بالدرع قبل التفكير بالسيف .؟
...........
خل احجيلك سالفة وانت تحب هيج مواقف وسوالف
.............
ذاك اليوم اعتقد قبل هوسة مقتدى بفترة
سيّر عليه اصدقائي وصارت سالفة عند احدهم يشتكي من نقص العمال .
(يكولون ماكو شغل بالعراق)
الصديق بنّا . يبني بيوت .
وعنده بيت ماخذه قنطرات وواصل قريب على النهاية
ويصيح ويتذمر من نقص العمال .
انا الله منطيني والحمد لله لواشكره ليل نهار مااصل للغاية
النتيجة انا صفنت واساسا انا كنت بناء ايضا بس تغيرت شغلتي
المهم .
كتله شنو القصة هاي الدنيا اشكبرها معقولة ماكو عمال .
كال اكو بس مايشتغلون (تبحبحوا شوية)
المهم كتله وكم عامل تحتاج حتى تشتغل كال عندي ثلاثة واريد اثنين
كتله صار انا باجر اطلع وياك هو بالبداية ضحك حسباله اتشاقه
فجبرته يصدك وقلت له اريد ارجع ذكرياتي ايام الضيم والعوز لاعادهن الله على
عباده (ايام اللعين صدام)
ومن الصبح اندك الباب واشتغلت .الصراحة اول يوم شوية حسيته مثل الصعب صار اسنين
مامشتغل بالعكس كنت مسؤول على الشغل واليوم اشيل طاسة واخبط .
النتيجة اشتغلت وياه خمسة وعشرين يوم .
ماخذت استراحة ايام اللي هو كاعد انا انشر طابوك واحضر الخبط لليوم الثاني
كان قرار من داخلي على ذلك وانا مامحتاج اي فلس والحمد لله بس خلص قضيت
ايام حلوة (اناوش طابوكة وانشر سميت) وبين بين وخلص يومي وارجع للبيت اسبح واشعر بسعادة لااعرف
كيف افسرها .
وصل البيت للصب .كعدنا .وطبعا بعد مارجعت بطلت من بعد الصب .
شنو سويت . لما خلصنا الرجل بارك الله بيه انطاني ميتين الف زيادة لا .مالا .مايصير ذبهن وراح
مع يومياتي .
ورى يومين من بطلت طخت ابالي اروح الى سوريا .
كان اكو صديق كل فترة وفترة يعرض عليه مشروع السفر الى سوريا وانا ارفض لاسباب
ولما طخت ابراسي اسافر اتصلت عليه كتله انا مستعد اسافر الرجل فرح كيّف .
رحت للدرع مالي وسولفت وياها
كتلها اكو سفرة انا واصدقائي ماادري اشكد اطول .
كال الدرع وين بالضبط كتلها اكو كم دولة منتخبة للسفر والقرار لاصدقائي
كالتلي اسويلك كليجة بالطريق خبز ابحليب حلويات تاكلوا بيها بالطريق
كتلها لا اذا نريد نشتري
مودرع قوي واثق من نفسه ماتهتم للتفاصيل بس انا المخربط والاعوج اما الدرع ثابت
قوي محمل بالايمان .
كتلها ديري بالج ع الجهال .كاتلي وانت من موجود منو داير باله .كتلها انت
ضحكنا .
المهم اتفقنا انا ورفيق السوء .لالا حبيبي واخوي انا رفيق السوء بالنسبة اله .
ورحنا الى سورية ادرعتنا بالبيت مصقولات ومحشومات واحنه السفردح اللي نمشي على حل شعرنا
اللهم ارحمنا واغفر خطايانا واهدنا وزدنا ايمان بك يارب
رحنا حملة . الفندق وثلاث وجبات يومية مجانية على اصحاب الحملة
الله وكيلك مابتنا بالفندق بس اول ليلة والليلة الاخيرة
اجرنا شقة (بالفلوس) مدة عشرة ايام بمتين الف .
وتزوجنا شرعي امام الله ورسوله وانصفانهن بهاي الثماني ايام صديقي يقول
انصفتها اكثر من زوجتي ههههههه
نفس الترافة اللي تبحث عنها يافقار
وبعدها رجعنا لبيوتنا ولاكاني الدرع بالهلوات والمرحبات .
طبعا كتلها ابريني الذمة كالت على شنهو .
كتلها صرفت اهواية افلوس كالت مامحتاجين والحمد لله ومدام انت رجعت سالم لابو الفلوس
لابو مدري شنهو .
فيافقار
اذا انت ناقم على تعاليم دينك وبعض حركاته لانه يأمرك بالدرع والقوة قبل ان يأمرك بمن تعطي
اظافرها اكثر وقتها .
شتسوي خلي درع بالبيت وانحر ارض الله تحصل على الطرفين
بهدوء بدون شوشرة ولااحزان وارهاصات نفسية تتعبك ومالها داعي كض الخيط من البداية تنقذ نفسك
هذا سر خليتني افضحه الك
انت لازم تزوج ابحث عن مؤمنه انصحك والله تعيش اعزب ومتزوج وتقضي حياتك
بلاضيم من داخل بيتك قد يكون الضيم يأتيك من الخارج هاي سوالفك بالشارع .؟
اللي لاحظته بالمنطقة احسن نسوان المعلمات والمدرسات فاهمات الوضع ومايفكر به الرجل
ويعرفن سيئاته وحسناته بس كون وحده تتحمل وتستر يعني مؤمنه بالله ورسوله
وخاصتا انت شاعر وكل ماتشوف لون اتروح تتغزل .
تكتلها بالغيرة فاذا ماعدها حدس وبصيرة تتبهذل ويشيب راسك
الزواج سهل لكن العيشة المشتركة لاختلاف الامنيات والاحلام للطرفين هي المشكلة .
ماكو غير المؤمنة ممكن تتنازل عن بعض امنياتها لاجلك .
وتعيش عيشة سعيدة .
الجمعة ناوي اسافر لريف الشام السوريا
اذن دماغي بعدة ما مكتمل الافكار
والدليل هذا كلامك مجنت حاسب حسابة
معناه خططي مو صحيحة
رد مع اقتباس
