(خطبوني غصب)للمبدع رفعت الصافي
خطبوني .................غصب
خطبوني غصب ولغيرك انزفيت
وحفرو كبري لمن عقدوا القرأن
جبروني وصرخت احضرني يل العباس
انة وحيدة وعكلهم ترست الديوان
طش مستقبلي من طشو الجكليت
وركبة ونص كعد كل جرح نايم جان
... حتة الما يشور بي علك شديت
طب ليحضرة تلكة اسمك علة البيبان
كرف شعري التراب وياة من امشيت
مديون وتمشة بيدرة الديان
جني تيسرت ما جن انة نزفيت
اليشمني يكول فكدت بالحرب خوان
غص بالحلقة اصبعي وما برد ملكاي
انة حرورة رصاصة بتفكة المعدان
ومنحل شعري علمتني اكطع رزق عاشور
سواد البشعر ما لمحتة النسوان
منسير عالنخل حسبالهم جمار
ويبلع ريجة كل عصفور بالبستان
هل شدو عبرتي بجربة المهضوم
وبصدرة عطش فلاح للكيعان
وجهك ديرتي ومن شوفوني اكفاك
قصر صليت لمن كبر الأذان
اربة بكوخ الكصب لازم قبلتة الهور
ويعيد لون يشتم ريحت الرعيان
ومو شرط العطش يرتوي بحسوة ماي
من الماي تيبس رية الغركان
عليلة وجنحي مو كد خزرة الصياد
وشرجية هلي حطتني بالنيشان
بشيبت جنحك استعجل يملج الموت
حمامة زينة ويزفونهه لسجان
يا رخص الجنازة لتنترك بالبيت
تنمل من تضل مرافكة الريكان
يا درب النجف سرفن تراب الكاع
عروس الجايتك يم علي تريد مجان
لتغسلوني خاف اثار ولفي اطيح
ترة البرزخ يقدر شبكة الولهان
محسبة حسابي لا خلف الله ع الجناز
ابدلتي مجفنة ما تعب الدفان
باعوني برخص وذكرني يل المحبوب
اذا باعو اكبالك كحل للعميان
يولفي الكبر بارد دفو احضانك
وين ترة يبجي الالحد من ينشغ البردان
ما انساك لا وبردت السرداب
لو حطوا اعضامي بسفرة الغربان
ومن تزورني امن ما اتية لا
عطر شبكاتنة يدليك بالعنوان
>>>للمبدع رفعت الصافي>>>>> (منقول)
رد مع اقتباس
