حالة انفعال..
..................
تنشدني...
وتكلي اشبيك مابيك...
يلساكن بالابهر..
ميت اعليك...
ماتدري من الاول...
اني اهواك...
شفت لوني...؟
يتغير من الاكيك...
هاي اول علامه...
اتشوفهه العين...
واتعمد ازعلك..
حته اراضيك...
واحب اتوسل..
وخل تجري ال دموع...
سبحه اني صرت..
تفركهه بيديك..
رضاتك اشتريته ..
بيش ماجان...
اعز من الروح..
اكو...؟
بس روحي تفديك..
احب تجفي...
وأصيحن ..
ها.رحت وين...
حته استلذ...
من بسمك اناديك...
من اسمع بسم...
يتشابه اوياك.....
احس دلالي يحجي..
هم يسميك...
هجي انته.معزتك..
صايره اوياي...
اتصورك ورده واني اشم بيك...
من شالو اهلك ...
رحتو لبعيد..
لاتكدر تصلني ولا ..اصل ليك..
مثلنه.اشكثر..
هم عاشو معاناة..
بس نبقه تواسيني واواسيك...
.....................................
م.
رد مع اقتباس
المشاركة الأصلية كتبت بواسطة كرزاية
