هنا

[فقار الكرخي]

متقصد بهل الفترة ماجاي اسأل
والراد يزعل مايهم خل يزعل

يا مره رابح حتى اخاف اخسر ناس
وچويت گلبي الساكت ويتحمل

زحمة اليتاني الحوبة تاخذلة بثار
مو اني هذا اليكعد ويتامل

هل مرة فنها العاطفة ترد السيف
متجي سيفي بركبة اليتوسل

بماي الصلح چنت اطفي جمرات الغيض
هسه بغصن خوتكم اشمر مشعل

ماريد اعد افضالي واحسب زينات
مو هذا ثوبي وروحي ماتتقبل

ياصاحبي الماردت اخجلك وانطيك
من ادير وجهك حصتك تتچمل

حاسبت روحك شنو شمسوي وياي ؟
خاطر تكلي شبيك زعلك طول

وتستنكف تصالحني وانت الغلطان
وادوس روحي وصبر احس يتوشل

والله كلش ناوي اسوي الموزين
بس الضمير يكلي لا ...واتمهل

ماچنت اعامل بالمثل بس غلطان
وهل مره اردك ردت اليتفشل

ولا گاني صدفه الماسأل عني سنين
ويگلي انت الگاطع الماتسأل

منا وهيج اكطع سبيل المعروف
بوجه الشريف الباب هم يتقفل

[كرزاية]

روعاتك

[فقار الكرخي]

غالية