هنا

[ارجع يازمان]

ولا واحد الكال أنه أظلم الناس!
أشو ياهو اليجي ايكول انه مظلوم!
,
اذا محد ظلمنه وشيب الراس!!
صبغ أبيض طلع !! مو من الهموم!!
,
عدنه اجروح جي باللجمه تنجاس!
ضل بينه الجرح كل عمره ملجوم!
,
الفرق بين اليغلس وأهل الاحساس
مثل عمق المغاره, وبين النجوم!
,
أكو ضحكة ألم بالوجعه تنقاس
تخلي الدمعه تفرح وكت الغيوم!
,
وأكو دمعه الأكضها ابكطع الانفاس
اذا كعدت ابخدي! اتكثر اللوم!!
,
من شفت الحياة امخربطه الداس!
وابن المدري منهو؟ اتسيد الكوم!
,
وشفت ابن الحرامي اتحرسه حراس!!
وابن الخايبه اعله الزله محكوم!
,
اليسرق بالحكومه ايصير نبراس
واليسرق الخبزه ابساحه معدوم!!
,
ماطول العقل بالهوسه ينداس/
الجنون احسن لأن ماعدنه مفهوم!
,
معارك هالوكت ,,,, مكلوبه بالساس,
( الخاتل ) عالشجاع ,, اترأس اليوم!!
,
البطوله ابلا سعر. والناتج افلاس!
وبقه سعر المناصب باهض السوم!
,
تضل نفس القذاره ونفس الارجاس
الكعد عالكرسي ماظن رايح ايكوم!!
,
مادام الشعب عالشعب علاس!!
راح ( الذله ) تبقه اويانه للدوم!
هاي الذله تبقه اويانه للدوم!!
حسين االساعدي