صار الدفن بالكوت!_حسين الساعدي
مسابقة بقصيده والجائزه رصيد 20$
المطلوب::تذكر وتعدد الشغلات الشتغلها هذا المسكين((كتابة وليس أرقام!!
::::
متكلي عن يابخت!
حاسدني
يا مبخوت؟
لاعب وجيت أشتهر
طردوني بأول جوت!
.
فضلت اصيرن حكم
وانصف شكو معتوت
باول جزاء صَفرت
كالولي ذب الشورت!
.
ميز الفلافل كلت
عَيش اهواي ابيوت
.
يوم السبت اشتغل
بالجزره ناس اتفوت
جتني الامانه ركض
ثاري السبت مسبوت!
.
فَتَحت وَكت العصر
شربت عصير التوت
ذَبو دعاية خطر
كلمن يشربه ايموت!!
‘
متكلي
من يا بخت
حاسدني
يا مبخوت!
بايع جكاير صرت
من الصبح للعصر
كالوا خنكت البشر,,ابدخانك المنعوت!
بالعلوه كمت اشتغل
لكني شفت العجل! ياكل ابسلة فجل!!
صممت أريد ارتحل,,, هذا الوطن ممقوت!
بالوطن غربه اشكثر
وأنه الصرت مشحوت!
دبرت نول السفر
كوه وكطعت القوت!
تئبرني كالَوا ترد
طردوني مِن بيرووت!
رديت الك يا وطن يابو النفط والموت!
رديت الك يا وطن بس حضر التابوت!
جوعان مثل الجمل
ومحمل الياقوت!
مبخوت
وبيا بخت
حاسدني
يا مبخوت!
منحوته أبقه فُكر وشيمسح المنحوت!
قررت ابيعن فشك
خلب طلع مايطك
هدت عليه الخلك ,,,الخسرت حرب بالموت!
دوار رحت أشتغل
بس الحجي مبحوت!
جي أنه من صوتت ,, عالصوبه بعت الصوت!
دفان تالي صرت
بالنجف احفر قبر
صار الدفن بالكوت!
وهناكه لمن رحت ,, محد قبل بالموت!
متكلي
من يا بخت
حاسدني يا مبخوت!
جم شغله
مرت عَلي
خلفه ولبخ ببيوت
يا حايط الينبني
ضل ينجفي ابسكوت!
.
بالباجه كالوا ربح
بالك يفوتك فووت
الهسه ضل بالجدر
راس العجل مفتوت!
.
اسكافي كمت اشتغل
كلما اصلح البوت
يرجع الباب المحل
فوك الصبغ منكوت!!
.
اطوعت بالحرب
عالقصعه والحانوت
باول هجوم الأسر
خله الدمع مسفوت!
.
دايخ ابهذا الامر!
كلش صرت مقوت
لو انه أكبر فكر
لو هالزمن سربوت!
.
امهربجي تالي صرت
وملقن الزاتوت,,,
كل مركب الينطلق
شو للمنيه ايفوت!
شيخ العشيره صرت ,, صايه وعكال البست
جيف الفصل طيحت,,, من السلف مشحوت!
ضليت أسلب البشر
وارمي ابفشك طاغوت
.
ياهو الأسلبه طلع
لعياله ماضل قوت!
.
رشحت نفسي و كلت
اسرق واشري ابيوت!
.
محد رضى ينتخب
جي ما أوزع اكروت!
.
جني متسول صرت
بس الدمع مخفوت!
.
عامل وابدل دهن
واسرع امن الريموت
طردوني من العمل
جان السلف مزيوت!
يم قاضي صار الأذن ,,, فتره اشتغل وامتحن
شفت السمج ينسجن!!--مايسجنون الحوت!!
وين العداله صحت؟ صرت ابسجن مكبوت!!
انطيت رشوه ابشرط,, يبقه الحجي بسكوت!
بنجرجي رحت اشتغل
صار الهوه مبهوت
والتاير ابلا نفخ
الهوه ابحلكه ايفوت!
تالي
مضمد صرت
ما أدري ذاك الطفل
لو اضربه ابره ايموت!@
هدو عمامه وهله!!
وانه الصرت مجفوت!
.
تالي محامي صرت
بس العدل مسلوت!
.
سايق كلت اشتغل
خاطر ادبر القوت
كضوني بالسيطره
ومن الردن معتوت!
ارهابي اسمي طلع
بالحاسبه ومثبوت!
كوه ابكفاله اطلعت
من ذاكه سجن الحوت!
.
شغل الدواجن سهل
ويريح المكبوت
طردوني من اعطست
كالوا اكرونا اتفوت!
.
صياد ادور الرزق
وبجوعة المنكوت
مصيادتي العاندت
ضلت تكطع ابتوت!
.
رايد اتعلم حَجي
وصار الحجي ابسكوت!
تانيت الاخرس يجي
بلكت يبيع الصوت!
.
رحت القطار السهر
أقطع وصل موقوت
.
ضليت أدلي العثر
ماشي ابضوه الناعوت!
.
بالدفو بعت اشكثر
بس كطعوا المازوت!
.
افتر واداوي البشر
وانه ابجرح مفتوت!
.
وازرع سواجي النهر
لو مابقه المنبوت!!
.
انكت مضيف الدهر
وارجع على المنكوت!
.
ضليت اكول الشعر
بيت ويفلش ابيوت!
,
ارسم ابهاي الصور
وصفة دوه المبيوت!
.
وانصح الشابع قهر
لا يفضح المسكوت!
.
جابوني اداعي القبر
ذاك الجنى المسحوت!
اهناك أحس بالجمر
لسعاته لسعة موت!
.
شارد بقيت انتظر
هلبت يجي المبخوت!
ضليت أقص القصص والملك فاته الفوت!
مَدري طالوت انتصر مدري انتصر جالوت!
هَددني ذاك الملك كالالي يا ممقوت!
لازم تحط النقط وتشخص الطاغوت؟
ما أدري يمته انفجر
وشيضمن الموقوت؟
.
ناعي ابمجالس قهر
ماجن أنه المنعوت!
.
ضليت اسولف نكت
ومكابل المكبوت!
.
بالنصب رحت اشتغل
ومساند الهلفوت!
.
لاكني بااول سحر
كالولي راح اتموت
.
ما أدري لو بسطت!
يتكَسر الحانوت!!
.
انه ابتليت ابحكم
يسرق غده المبهوت!
.
داوود اذا بالوطن
جا كال هذا الزمن
أسوء امن الجالوت!
متكلي
وين البخت!
حاسدني يا مبخوت؟
.
ثاري الرزق بالكصص
خلوني اوزع حصص...
شافوا نقص بالكرص!
تهموني أكلت القوووت!
.
ردت أستغل الفرص
بس شفت ذاك المكص
بالشيبه ضل ينكرص!,,
وتأذه بالمنكوت!
.
بالسوك اجيت اشتغل
كالولي حضك زين
محد انطاني ربع!
كلها اشترت بالدين!
مطلوب واطلب صرت
بس ديني اجيبه امنين!
جن صوتي
ما ينسمع
كلما أصيح ابصوت!
.
رديت أخيط ِالركَع
واستر على المنعوت!
ركعاتي @@ يتشككن
من الدبر بسكوت!!
بس مو زوليخه التشك
شككهن الكتكوت!!
.
صايغ واصوغ الذهب
بس بالحجي مكبوت!
.
خايف اكول الصدك
يتحضر التابوت!!
.
ضليت ادبر عذر
لحجاية المبهوت!
.
بسيفي اتراهنت
بمسابق المسلوت!
.
داروا علي بالغدر
ما خافوا اللاهوت!
.
ثاري الخناجر تجر
من يوكع الزاتوت!
.
وامي الخطيه اشكثر
بالباب الي ابسكوت
مو طاسه وحده ترش
ضلت ترش اطشوت,,
تدريني طعنة غدر
كلما أرد مجفوت!
.
ترهم اشوية كطن
بذنك ويخفه الصوت!
لكن كلام النذل!!.... شتحطله من اتفوت!!
يونس أظن ما علم
داعش تِهد ابيوت
جا ما يعوف الحوت!!
حاسدني
عن يابخت
متكلي يا مبخوت!
حسين االساعدي
رد مع اقتباس
المشاركة الأصلية كتبت بواسطة علي الواسطي
