المشاركة الأصلية كتبت بواسطة فقار الكرخي
ذكرتني بفد واحد يمنة
هذا اكو شايب يمنه عوينجي
الرايحة والجاية ياكلها ويشربها بعيونة
عندي صاحبي يشتغل تكسي
اتفقنة نسوي بي فلم
والله العظيم الكلام صحيح مو شقه
لبستلة عباية وفتت من يمة
مرتين اروح وارجع وااسوي حركات
وهو يدردم ما افتهم شيكول يمكن يصجم
اجة مناك صاحبي بسيارتة وكفتة وصعدت وياه
وكتلة روح صيحة كلة هاي المرة هو شافني
كلة تريد واحد شوية جبير بالعمر يوصلها
متريد شاب
راح كلة حجي هاي كروة ومتقبل اوصلها
تعرف تسوق انت اخذ سيارتي و وصلها
وشوف بعد انت وشطارتك شتحصل منها
كالة وين توصل كلة للطوبجي
وجان يجي الحجي يركظ هو ودشداشتة
وصعد بالسيارة واني لابس عباية وكاعد ليورة
اول ما صعد كالي مو تدللين عمري اوصلج
والكروة بلاش
حرك السيارة ومشة
بعد لا اكدر اكلة دشاقة وياك اوكف
خفت من ردة فعلة خاف يلطم سيارة الولد
وهو يحجي وما اكدر احجي لأن صوتي خشن
وكالي شكد عمرج جان امد ايدي والعب برگبتة
هو يكلي اي وج عيني اي
حاصر الضحكة مدري شلون
اني كلشي اكدر اكتمة اله الضحكة
انوب مد ايدة من ورة الكشن كام يلعب برجلي
المهم وكفنة بالترفك لايت
كتلة اني اشكرك حجي تعبتك
جان يلتفت علية شاف بس شواربي
جان يفتح السيارة نزل وراح ركظ
ويصيح ولد الكلب ولد النعل
جان اجيب السيارة وارجع الصاحبي
لكينه تك من انعالاتة مجلب بالدواسة مال البريك
هذا الحجي قبل سنة
البارحة شفتة ديصلي صلاة ليلة القدر بالجامع
رد مع اقتباس