من تزعل احبك ترضى احبك موت = قفل بالي عليك وصرت مسجونك
ومن كلبي أغار عليك تعرف ليش = ﭼي يحترك منك كتله خي عيونك
محد يشبهك واهلك احتارو..بيك = من تطلع وترجع ما يعرفونك
احسد صفنتك واحسد السكتة ألبيك = ولان تفتر براسك احسد ضنونك
لونك يختلف مو مثل لون الناس = ربك مدري شنهي اشخالط لبلونك
باوع على عيونك بلمرايه وشوف = تلكى اعيونك انتى تغازل عيونك
مدري شلون لونك لون يعكس لون = ولونك يسئلك ..ويكلك اشلونك ..
صحيح الناس عدها عيون ويحسدون = وتعرف ليش ماكدرو يحسدونك
على امتون البشر ربك يحط ملكين = وانتى اثنعش واحد حط على متونك
رد مع اقتباس
