السلام عليكم ورحمة الله وبركاته
شلونكم اخباركم سؤال خلي نشوف رأيكم
هل يجوز بعد الامساك الاكل اوالشرب او لا اذا كان بعدة الاذان لان بين الامساك والاذان فرق عشر دقائق
الامساك هل يعتبر اسرع في شرب الماء قبل الاذان طبعا اني بعد الامساك مااشرب ولا اكل ولكن صادف كنت اتسحر يم صديق
صار امساك وتعدة كم دقيقة كلها تاكل وتشرب اعتيادي كتلة امساك يكول بعدة اذان هوه اذن بعده بقى يشرب ماي
اي عادي يصير
الامساك هو تنبيه الصائم بقرب الاذان وحتى يصير عنده علم
وعليكم السلام
اني ذاكرتي ضعيفه بس اتذكر قريت بخصوص هذا الموضوع
ويُقال الغايه من الامساك ان الاكل والشرب ياخذ وقته للنزول من البلوعم الى المريء
يعني بفترة الامساك تنطي مجال للطعام والشراب ينزل من البلعوم للمريء
وهم بعد تكون الدقائق المحدده بين الامساك والاذان فترة مشكوك بيها
يعني مامعلوم في اي دقيقه واجب الاذان لذلك يمسكون قبل هذي الفترة المحدده حتى يقتلون الشك باليقين
والله اعلم بعد ماعرف اذا كان هذا الكلام صحيح او غير صحيح
المشاركة الأصلية كتبت بواسطة ȺӀì βąҍӀì
لا ما اعتقد
التنبيه يكون على شكل نداء ( عجلوا، يرحمكم الله )
احنه كبل يكول امساك .. حتى مرات تحسه يتعارك وياك
احنه كبل يكول امساك .. حتى مرات تحسه يتعارك وياك
لا احنا الجامع اليمنا اول نداء يصيح سحورسحور يا مؤمنين سحور
سحوووور يرحمكم الله سحووور
وراهه يبقى يقرا قران لحد قبل الامساك بسبع دقائق تقريبا يصيح عجلو
وبعدها وقت الامساك يصيح امسااااااااااااك
مدلعنا الجامع كلش
انا شخصيا بس يصيح امساك راسا اشرب بطل ماي واروح اتوضأ
اما مابين الامساك والاذان اشلون واحد يشتهي وياكل
هذا موجواب بس مشاركة
شكرا الاستاذ محمد
اني هم هيج اكول شكرا لك نورتنا
اني الي اعرفة امساك امسك عن الاكل والشرب شكرا لك غياهب
اخواني
الاذان مال الجوامع مو حجة شرعية
الحجة الشرعية هو دخول الوقت الشرعي للامساك عن الطعام
لان المؤذن قد يكون ساعته مو مضبوطة
متقدمة او متأخرة عن الوقت الشرعي
وفي الزمان السابق عندما لم تكن هناك ساعات لضبط الوقت
كان المؤذن يعتمد على النظر والتقدير لدخول الوقت الشرعي فيؤذن
وعموماً نحن نتحدث هنا عن دخول الوقت الشرعي
فأذا دخل الوقت الشرعي واكل الصائم او شرب
فأذا كان متعمد فهو قد افطر متعمداً
وهذا يتطلب منه القضاء والكفارة
واذا كان غير متعمد ولا يدري بدخول الوقت
فهذا يتطلب منه الامساك عن الطعام والشراب طيلة اليوم
ومن ثم القضاء بعد شهر رمضان
هذا ولكم الشكر والتقدير ...........
رد مع اقتباس