مشكلتي استحي وماعاتب هواية
مشكلتي استحي وماعاتب هواية
وصلت للعظم طعنات ربعي وياي
وتوصل للحلك وترد الحجاية
مرات الخشب هم يحلم بتنور
ولا عند الميسوه يصير جرباية
كلوني من الوجه جي صرت طيب حيل
مثل البلبل الياكله تمرايه
ماوكفو وياي بوكت حيلي انباك
وانه الواكف الهم بالحرب راية
مو حايط جنت بس لمن يطيحون
على كد التعب يلكوني تجايه
بعد ما انطي وجهي لناس مايسون
ولا يم المخربط اوكف مراية
لهنا ونتهت ما جامل اي انسان
ولا ماشي بشر مايسوه كشايه
الميعرف قيمتي لو صار ياهو الجان
لا احترم حجيه ولا مشي برايه
انه در النجف ما ضيع ويه الطين
بس الماعرفني يكول حصوايه
رد مع اقتباس
المشاركة الأصلية كتبت بواسطة خالدالسعد
