شلونج شلون الحال وشلونة وضعج
منريدج تكتبين و انتعب اصبعج
زينة انة كل الزين شنهو القضية
اكتب وارد اعليك بأثنين ادية
فدوة الاديج تروح كل العشيرة
بس انة باقي وياج واكع بحيرة
ياحيرة احجي وكول هاي انه اسمعك
معقولة مني تحير مو هذا طبعك
دايخ بطولج ليش رجعني جاهل
عفت الشغل والنوم واكل نساتل
خجلانة والعباس عوف الغزل عاد
كلش بنات هواي مليانة بغداد
لو انتي لو ماريد ام الجهالي
من شفتج الهل يوم مدري شجرالي
اهلي انه ست مرات خطبوني رفضو
شتسوي اذا رفضوك وعالقصة قفلو
مو مهم اهلج كون بس لو رضيتي
ولو عاندو وياي اكتب وصيتي
لا فدوة لا ارجوك لا تحجي هيجي
هذا الكلام ابساع يبسلي ريجي
اهلج اذا ينطوج من هسة كولي
حتى اعزم الاعضاء واذبحلي حولي
انطيني فرصة اليوم والباقي سهلة
راح اطرح الموضوع واكلي كتلة
اكسرها والعباس ايد التلوحج
والعب لعب بالبيت لو مرني نوحج
حاجيت ابوية وكال اهلا وسهلا
معناها قابل بيك متأكدة فعلا
شكرا يعمي هواي بهاي المسية
عالراس احطك كون بثنين ادية
حضر عمامك عاد ماطولة قابل
من بعد ست مرات كاضيها قافل
باجر سحل للبيت جايب عمامي
ورايد لبوج اليوم يوصل سلامي
رد السلام وكال عفية بنسيبي
بس لو تعدي بخير وتصبح نصيبي
يحبيبة لتخافين صارت بعد مال
مايرجع الرجال بالكلمة لو كال
لك انت زاحف ليش هسة انه اعلمك
بالبوري اضربك حيل بس كون الزمك
ها حبي شنهو الصار هيج اختلفتي
مو ساعة اني وياج نحجي بخطبتي
لك اني ابوها وياك باجر نجيكم
ناخذ فصل وانروح غصبا عليكم
تيهت والعباس بأول رسالة
جتكم غلط خنروح كلمن بحالة
احلفلي منها اتوب ما تزحفلها
ماريدك اني بيوم تصبح رجلها
والحمزة ابو حزامين حيل اكرهتها
ربك رحمني و زين متزوجتها
يالا اشطح ولتعيد زحفك علينه
لا كتلك انسوي بثنين ادينه
بي باي اروح وهاي اخر رسالة
وهم انعم الله عليك هاي الرزالة
وسلامتكم
رد مع اقتباس
..ابداعاتكم لا حدود لها