هنا

[فقار الكرخي]

جربت نفسك تكون قائد بالدرر
وتتواصل مع الغائبين من الاعضاء
وترجعهم
تحرك الاعضاء الخاملين
تصالح المتعاركين
تدخل وسيط بمشكلة وتهدي النفوس

لو انت وينك وين هاي السوالف

[فقار الكرخي]

اذا الدرر خفت
وبعد ولا عضو يدخل بي
وتبقى وحدك شتسوي
تتفاعل وحدك
لو حالك حال العبرية

[فقار الكرخي]

اني ماريد اثكل عليك الصراحة
بس كلبي مجاي يبرد
ما ادري ليش


زين انت شوكت اخر مرة راكب ديلاب الهوه

[افول]

و متابعة ...... انشلع گلبی

[كرزاية]

الله بالخير
ها علاوي نايم كاعد طمني عليك

[الرميثي]

تكَدر ترفع مقطع صوتي تكَول خمس مرات وبسرعة
وعلى ظهر الغيب
سدينة شط السيد والسيد ما سد شطنة

بس بشرط مو تقراه وتتلفظها

[علي الواسطي]

صباح الخير ..من تصحى اقتبس ردي
علمود نبدي الموسم الثاني من الاسئلة

صباح الخير علاوي..
عندي أسئلة شوية تعال جاوبهن من تصحصح..

الله بالخير
ها علاوي نايم كاعد طمني عليك

مساء الورد هسه كعدت

لو مخليني نايم لبجار

مو احسن

[Suzana]

سؤالي /انت عادة ١٣ ساعة باليوم تنام لو شنو موضوعك؟
معقولة مايصحوك على مسواك على دكة باب على شي

[Suzana]

تكَدر ترفع مقطع صوتي تكَول خمس مرات وبسرعة
وعلى ظهر الغيب
سدينة شط السيد والسيد ما سد شطنة

بس بشرط مو تقراه وتتلفظها

يكدر ..يكدر

[علي الواسطي]

صباح الخير علاوي..
عندي أسئلة شوية تعال جاوبهن من تصحصح..

مساء الورد اجيتكم

هل أنت من هؤلاء الأشخاص التي تتغير حالتهم المزاجية من الفرح للحزن والعكس دون سبب واضح؟

اي فعلا مزاجيات

هل أنت شخص صريح مع المقربين منك؟

اي واحيانا الصراحة تكون مزعجة

هل تشعر بأنك تفتقد لشيء ما في حياتك ولا تعرف تحديدًا ما هذا الشيء؟

افقد الراحة تعب

هل في بعض الأحيان تسمع آراء أصدقائك فيك فتتأثر بها كثيرا نفسيا؟
اي عندي اصدقاء مقربين

هل سبق وأتقنت كذبة للنهاية حتى النهاية ولم يستطع أحد أن يكتشفها أبدا؟
اي

هل تشعر بحاجة ملحة في وجود الطرف الآخر في حياتك؟
اكيد

-ماذا تفعل عندما تتعرض للخيانة من اعز اصدقائك

اكره الخيانة

_ماهو المكان الذي ترتاح فيه نفسيا

احيانا البيت واحيانا لا اماكن اخرى بعيدا عن الصوضاء

_ تكدر تسامح الي ظلمك

اذا اعترف واعتذر

_ تكدر تنعزل عن العالم وتعيش وحدك

مؤقت وليس بشكل دائم

_عندك فوبيا من شي معين وشنو هو

لا

_شنو رأيك بالحب والصداقة عبر الانترنت

ممكن تشوف شبيهك او قريب من افكارك

_شنو الطريقة الي تتخلص بيها من توترك او انزعاجك

الابتعاد

_عندك فضول تراقب حياة الاشخاص المقربين منك

لا

_هل تعتقد أن الناس يقعون في الحب لأن الشخص المناسب قد وجد، أم لأن الوقت مناسب؟

السببين واردات

_مع أو ضد هذه المقولة : ﴿من تغير بلا سبب أتركه بلا عتب﴾ ..؟

لازم اعرف السبب ممكن اكو سوء فهم

_ هل تحب الخير لغيرك كما تحبه لنفسك ؟

اكيد


_شنو رأيك بالزواج المبكر

ضده

_لو خيروك بين أن تكون أكبر أشقائك أو أن تكون أصغرهم

اني اصغرهم
والمسؤلية مشتركة

_شنو انطباعك عن النساء الي تسوق سيارة ؟ واذا زوجتك طلبت منك هالشي توافق ؟

مابيه شي حسب الحاجة والضرورة

علمتها تسوق

_ هم مخلي على بالك تروح لبيت الله للحج لو مامفكر بهيج شي ؟

ان شاء الله

ها كعد لو بعده؟

كعدت

كونك طالب جامعي وسيم من تستلطفك انثى جميلة تكدر تسيطر على مشاعرك؟
حسب نسبة جمالها

انت خريج سابق وطالب حاليا شنو الفرق بين الحياة الجامعية قبل وهسه؟

فرق هواي بالنسبة للدراسة المستوى اقل من السابق خصوصا الطلاب الخريجين الجدد
الطلاب القدامى عدهم رغبة للدراسة اكثر من الجدد


هم تعزم زملائك بالجامعة ؟تطلعون مطاعم ؟
مرتين انجمعنا تغدينا بعد الدوام

اكو مواقف محرجة مرت بيك مؤخرا؟ممكن نعرفها

اي صار موقف مع شخص انتقدته بسبب تصرف ووصله الخبر واجه عاتبني ووضحتله الكلام اما بعض الاصدقاء وتفهم الامر لأن واصله كلام غير صحيح


تتبع اسلوب حياة صحي لو ماتهتم؟

نص ونص ما اكل هواي بس مو ادور اكل صحي وهالسوالف


اكو اسرار تخفيها عن عائلتك؟الاجابة بنعم او لا

مو شي مهم اخاف منه

لو سلموك ملف ادارة الكهرباء بالعراق راح نتمتع بصيف منعش لو حالك من حال ربعك؟

مشكلة الكهرباء ما تنحل بتغيير الشخص المسؤل وما تنحل بيوم وليلة لأن شي مرتبط بشي .
بس اكو حلول مؤقته مع وضع خطط مستقبلية اذا اعطيت الصلاحيات اكدر اتعاقد مع شركات عالمية تكدر تحل مشكلة الكهرباء .
شركة سيمنز قدمت عروض مثل ما تعاقد مصر معاهم وبنت محطات انتاج 15 الف ميغا واط خلال سنتين كملتها بينما تم منعها من التعاقد مع العراق وتعاقدوا من شركة جنرال الكتريك

كذلك شركات صينية مثل محطة واسط الحرارية في الزبيدية لكن تعرفون الوضع بين الصين وامريكا انمنع هالعقد

تكول احلى شي بالزواج استقرار ؟
استقرار من تعدد العلاقات العاطفيه لو شنو بالضبط؟

لا الوضع المعيشي والمادي والسكن


انت تفضل نظام رئاسي لو برلماني؟ وليش
وياريت الاجابة باسهاب..

رئاسي

حتى يصير انتخاب مباشر حتى لا تصير صفقات من تحت الكواليس وبيع وشراء للمناصب

كونك مواطن عراقي غيور على وطنك وعلى قوميتك العربيه برايك حماس ورطت الشعب الفلسطيني بمجاعه لو لا؟

القضية الفلسطينية سواء حماس ردت او لا اسرائيل من تريد تسيطر على بعض الاراضي تسوي هجمات او تصفية للبعض حتى تشوف ردة الفعل وتنتظر الطرف الاخر يرد حتى تكون عدها حجة وترد عليهم
مثل ما واحد عنده بيت ومجموعة عدها قوة ونفوذ تهاجم البيت او تعتقل احد ابناء البيت ومن اهل البيت يردون او يدافعون عن بيتهم ينتقدوهم ليش تتحارشون بيهم ولو ساكتين . والى متى ؟؟ نبقى ساكتين مو الواجب ان ندافع عن بيتنا ووطننا ومالنا ؟؟

وقبل لا انسى رتب حسب المعزة والاولويات بحياتك
والدك
والدتك
زوجتك
حسين ابنك
فقار الكرخي

والدي
والدتي
زوجتي
ابني
فقار

علاوي بيتكم بالكفاءات يعني البيوت غالية.. نار هناك..

بيش المتر يمكم؟

بيتنا القديم ايضا جان بمنطقة حلوة وشارع عريض ومساحته جبيرة
وبنفس السعر
المتقر تقريبا
مليون ونص

أكو سيد اهل الكوت يزوروه مشي أسمه (السيد أبو الحسن)
منو هذا وشنو نسبه؟
انت مقتنع بشغلة المراقد المجهولة اللي جاي نشوفها؟

اي موجود مرقد سيد ابو الحسن صراحة بالضبط ما اعرف نسبة المن يرجع
اكو بعض المراقد الوهمية واكو مرقد قبل سنة تم هدمه بالكوت لعد وجود نسب او وهمي

أحجيلنا عن الخلاف بينكم وبين سامر شنو سببه؟
وليش قررت ترجع بعد ٣ سنوات؟

بذيج الفترة جان اكو تشدد بالاجراءات مو مثل هسه
يعني الغزل والكلام الجريئ جان ممنوع
حتى ممنوع تنشر صورة لفنانة لابسة قصير او جزء من جسدها مبين
اكو واحد من الاعضاء نزل شعر بس مو شعر يوصف جسم البنية بالتفاصيل مابقى شي ماتغزل بي
وحدة من الاداريات علقت علي كتبت وااو روعه يجنن
اني طكيتها بتقرير كتبت اذا الادارية هيج تعلق لعد الاعضاء شيكتبون هي زعلت وتركت المنتدى
اجاني يعاتبني شلون هيج تكتب ومامن حقك تحاسبها وهي زعلت بسببك وتركت المنتدى
كتلة القانون يطبق عالكل مو على ناس وناس واذا اني السبب بتركها المنتدى ان هم طالع وتركت المنتدى

تتعارض عقيدتك مع مصالحك الشخصية لو تقدم مصالحك؟
العقيدة

مثلاً أبنك يريد يروح يجاهد تقبل؟

اذا على حق ودافعا عن الوطن والدين افتخر رغم صعوبة القرار من الناحية العاطفية كأب

شتكول الغيرة مرض لو شي طبيعي عند أكثر النساء؟

مرض

إذا صارت مشكلة بينك وين شخص منو الشخص اللي يأثر عليك ويمون عليك ويأمرك أمر وما تردله طلب ويخليك تغير موقفك؟

والدي
وصارت

إذا زوجتك قررت ترجع للمنتدى شنو الأشياء اللي تخاف تعرفها؟

ومنو العضوة اللي تتوقع تحجيلها كلشي عنك؟

شلة دعيوة يلزمنها وينبشني نبش

رتب هاي الأسماء حسب قناعتك من حيث القوة وخدمتهم للناس..

عادل عبد المهدي
ابراهيم الجعفري
المالكي
العبادي
الكاظمي
السوداني

السوداني
المالكي
عادل عبد المهدي الجعفري
العبادي
الكاظمي

تكسر القواعد دائمًا؟
لو ملتزم بالعادات والتقاليد؟

اكسرها

شنو رأيك بالعشائر بصورة عامة
مقتنع بالفصول والدكة العشائرية؟

تعتقد ضعف سلطة الدولة خلت سلطة العشيرة تقوى أكثر؟
تعرضت لتهديد عشائري سابقاً؟

ضد الدكة العشائرية اكيد
وضد بعض الفصول
وضعف السلطة جعلت بعض العشائر تشعر بالقوة وتجاوزت الحدود

تدفع لصندوق العشيرة لو ما إلك علاقة بهاي السوالف؟

اي ادفع

هم تركب الموجة؟
يعني متدين ويه المتدينين
وتركص ويه اليركصون؟
لو صاحب مبدأ بحياتك..

كلشي بوقته حلو

بصراحة داخل ملاهي حفلات رقص لو طريقك يختلف عن هاي الأشياء؟

لا والله مداخل

قبل فترة كلت للمرا صار عمري بالاربعين لا رايح ليج اماكن تكلي اي بلكي تروح ويلزموك لو يصوروك ويفضحوك

شنو رأيك باللي سواه عميد كلية الحاسوب بالبصرة عماد الشاوي ؟
شتكول يستحق يكون قضية رأي عام لو حادث عرضي؟

مع الاسف بهيج منصب ومركز مرموق ووتصرف هيج تصرفات

إذا تعاركت مع جماعة أربعة أو خمس أشخاص بالشارع تفوت بزودك وتكدرلهم لو ثلثين المرجلة شراده؟

الصدك حلوة تصير ولية عليه كتلي عمل شعبي

شوكت نمت البارحة

نمت بالسعبة ونص الصبح

بصراحة شنو اللي يجذبك بالمرأة كشكل؟

ستايلها واناقتها

اليوم عيد نوروز.. تطلع الجهال سفرة لو تخلصها نوم بسبب هذا الموضوع؟

كل سنة نطلع بس السنة صادفت بالدوام وايضا رمضان

شنو رأيك بجيش المهدي

سلبياته اكثر من ايجابياته

برأيك المشرفة سارة الحنونه ليش ما تشارك بالمنتدى نهائياً وحايرة بس بقسم الأبراج؟

صراحة انتقد الشخص اللي يحصر عمله بقسم واحد
الكلام ليس ل سارة كشخص وانما للكل مع فائق الاحترام لشخصها

اذا انطيك شص وخيط وطعم
تعرف تصيد سمج

ممجرب اصيد سمج