المشاركة الأصلية كتبت بواسطة غَياهِب
گول (مرضى نفسيين)
ثم حتى لو مرضى نفسيين على روحهم
مامجبور المجتمع يتحمل هذي العاهات ويأثر على نفسيه الاجيال الجديده
وبالنسبه لهذي الاجيال اغلبهم اساسهم ركيك بسبب الاسره الي تكون فاقده لاساسيات التربيه
(مشاكل الاب والام امام الابناء، والالفاظ السيئه الي تبني داخل عقل الابناء قاموس من الجهل، حتى الرزانه بسلوكهم ماموجود) وطبعاً هذا يحز بقلب كل فرد واعي يشوف اجيال بلده يفشلون
واذا نرجع للشق الثاني
يكون بعلمك الدكاتره والاساتذه مو غشمه ويلعبون بالنار علمود طالبه
ابداً همه يختارون الي تنطي مجال لان مالهم خلگ للي قافله وجايه كل همها تخلص محاضراتها وتمشي
وداعتك مالهم خلگ ابداً، يحبون الشي السهل الي يجي بدون تعب
وسبق وگلت هذا العميد حتى لو طلع واعترف وكال اني حاولت ابتز الطالبه صدگني يكذب
الموضوع اكبر من هيج
الشغله تصفيه حسابات لا اكثر ولا اقل
"وعرفو شلون يوگعوه "
والا شنو صعبه عليه يروح لشقه لو يروح لمكان خارج الحرم الجامعي
بس اكيد قنعته هي الا بالحرم الجامعي
واذا تگول شنو الحل لمثل هيج حاله يندى لها الجبين صراحه ومخزيه جداً
الجواب هو ان المجتمع لازم يصلح من نفسه
واول خطوه هي الاسره
* من حق كل فرد ينشأ بداخل اسرة تمتلك وعي وثقافه واخلاق انسانيه وحس بالمسؤوليه تخليه يكون قدوه لاقرانه
رد مع اقتباس
