المشاركة الأصلية كتبت بواسطة فقار الكرخي
السلام عليكم
البارحة داتصفح بالفيسبوك
وجان اشوف واحد ناشر مناشدة
وفد كلمات تفطر القلب
عندة مريض يريدون يسوولة عملية
ومحتاجين واحد يتبرعلهم دم
واشوف المعلقيلة . والله لو قريب جان اجيتك
كتلة بيا مستشفى كال بمدينة الطب
طبعا قريبة علية بس اعبر الجسر
المهم رحتلة ودخلت بالصالة مال المتبرعين
وجان تجي ممرضة
بس شنو مو بشر اله اطك بالكاع
شدت ايدي ونجخت الابرة
واني صافن عليها
واشوفها تروح منا وتجي منا
هسة غير الكالي حجة احجي وياها ماكو
كتلها دكتورة خاف انترس البطل متشوفي
جان تكلي تخاف على دمك ليخلص
اذا دمك حلو اله ينترس البطل ويكطع من كيفة
اويلي عيد وجابة العباس
كتلها
من فدة اروح وياه دمي وحلاتة
اخذي الكبد والعين فرحي الشماته
سمعتني والتفتت
كالت شلون
شكلت
كتلها لا ماكلت شي
يمكن بديت اهلوس
كالت امممم
راحت رجعت
كتلها
ما هلوست من شي بس لمست ايدج
جكت وريدي و راح فدوة الوريدج
صفنت علية
كلت يمكن راح تشمرلي الرقم
جان تجي وتسحب الابرة من ايدي
وكالتلي تفضل خلصت
كتلها
اتمنى عمري هنا اكضي تبرع
برموشي من شفناج كمت انه اشلع
خطية هذا صاحب المريض
ضل صافن مكرود ميدري شنو السالفة
كملت تبرع وطلعت بالباب انتظر يصيحون بأسمي حتى ينطوني وصل
وياخذة ابو المريض ويروح يستلم دم
بس اني عيوني تتلاكط
بس اباوع عليها
وهي حست كلش وهم كلساع تلتفت علية
اخت الدم مالتي شالتة ودتروح
وجان تلتفت علية
بعد متسمعني اله احجي بصوت عالي
حاجيت ابو المريض
هنيالة دمي الراح شالته اديها
سلملي عود وياك من تمر بيها
طلع هذا هم شاعر
كالي
ناسي المريض وهاي سوتلي واهس
ماترهم يخلون يمها انه حارس
الملعون طلع حاط عينة عليها
دكتورة اخذت قلبي
رد مع اقتباس
