مرحبا حبيبتي
شوفي الموضوع يعتمد على عدة عوامل اولها واهمها هو طبيعة الشخص المقابل هل هو من العقول الرجعية اللي راح يفكر انه انتِ مصارحة الف شخص غيره وهسة جا سراه او انه انتِ شامرة روحج عليه وراكضة وراه ليل ونهار؟ اذا كان من هذا النوع يفضل انه مستخدمين حتى اسلوب التلميح ويا بعدين لان حتى لو تزوجتوا راح يضل يذكرج انتِ جنتي راكضة وراية بينما كلما تكونين متكبرة ويا كلما يركض وراج
اما اذا هو من النوع ال فري ومتصالح ويا نفسه ومثقف وفاهم انه البنت عندها مشاعر مثلما هو عنده مشاعر وانه طبيعي هي تبادر فهذا غالباً اذا بادرتيله حيقدرج ويحب اكثر اذا كان هو كذلك عنده مشاعر تجاهج
العامل الثاني هل هو مرتبط او بحياته انسانة ثانية او لا طبعاً هالشي ضروري تعرفي حتى لاتتفشلين
العامل الثالث هل هو يبادلج الشعور ؟ غالباً اذا يبادلج الشعور راح يحاول يكون صداقة بيناتكم ويسأل عنج بأستمرار ويعرف اخبارج بحكم كونج صديقته انتبهي صديقته وليس زميلته
العامل الرابع هل انه انتِ راح تكدرين تكملين حياتج طبيعي في حال رفضج بدون مدخلين بدوامة الرفض والاكتئاب وتخلصين الموقف تتصرفين طبيعي ؟
بالنسبة الي اشوف مابيها شي البنت هي تصارح بالنهاية هي انسان لكن بعدما تكون بيناتهم صداقة قوية وتواصل يومي وتتأكد انه هو يبادرها الشعور كذلك
وبالتوفيق الج يارب
رد مع اقتباس
