طبخ المخلمة العراقية على اصولها
السلام عليكم
اليوم سويت فطور بالدوام
جبت نص كيلو لحم مال هايشة
ثرمتة مكعبات وحطيتة بالجدر
وحطيتلة مي
تقريبا نص ساعة
ذبيت المي مالته
وجبت جدرية جبيرة وحطيت بيها دهن
وثرمت راسين بصل وشمرتهن بالدهن
حمست البصل
وخليت اللحم فوكاه
وضليت اكلب بي ربع ساعة
وراها ثرمت ٣ طماطايات
وشمرتهن ويه الخبطة
وجبت بتيتاية جبيرة
ثرمتها مكعبات وهم شمرتها وية الهوسة
وحطيت ملح وماجي لحم
وكركم وفلفل حار
الى ان ريحتة وصلت للكرادة
وطلع بهذا الشكل
ما اعرف شسمها مخلمة مدري جلفراي
المهم طعمها لا يقاوم
طبعا تذكرت اصور من كملت
وسهمكم العافية
رد مع اقتباس
المشاركة الأصلية كتبت بواسطة هــاجــر
