دارميات عراقية ٢٠٢٤
عـينـه على عيني وگـال جرب وجـرب
گـتله انـه مثل الـذيب مـن ادنه اخرب
ويــلآه غــصــب زفـوه راح الاريــدﮪ
جان اعـله صوتي ينام هسه عله ايدﮪ
اتمـنـه عـايل بـيـك ڪون ازلمـه العـوز
مـا ارضـه ابـوي ايصـير ثـالثنه حاجـوز
حـگ انعـزل وانعـاف والمثلي مكـروه
عشت بوجه والسوگ بس لهل الوجوه
باالعقل مـو بصيـاح واخـذ التـريده
المطر يسگي الگاع موش الرعيده
بـزري وغـراض البيت والمستعز بيـه
للخوة موكب صار ياهو اليجي اطيه!
مـن گـبل چــان يغـيب يترسني خله
يــم عيني يگــعد صـار ماشوفه كله
مـن طحت صوت ادخيـل مـاسمـعتـﮪـم
طـاحـو وشـيـل فـروخ عـگرب شلتـﮪـم
مـن تـڪـره الـممــلـوح وادمـنـه ڪـلـهـﮪ
ساعتهه يخلص خوف روحي اعله خلهـﮪ
أنضنـك وأصـرخ آه وأردفـها بـ ٲفـيش
مجبـور أگل للناس مو بيـه بـ الريش
رد مع اقتباس
