هنا

[ارجع يازمان]

ما أضيفه
المضيف الماقره الصفنات بالناس التضيفه!
ما أجر خطوه االمضيفه!
وما أضيفه,
استحت مني السوالف
من أكولن عاليخالف!
ابحجي العادي!
وما يخالف!
ليششش أجامل!!,, بالمضيف أكبال جوعانيين ويضم برغيفه!
ماأضيفه
ليششش أجامل!! .. بالمضيف الصَفن ادموع الشريفه!
؛؛؛؛
الدمعه من تصفن عجيبه
يعني مو سهله ,, المصيبه!
يامصيبه؟.. الصفنت ذيج الدموع!
الحره تاكل ثوبها ابيوم التجوع!
يارخص ذاك المضيف المادره ابحال العفيفه!!
ما أضيفه,,
؛؛؛
لا تباهي
ابقصرك وضي الليالي
لا تباهي
الناس فقره وماتبالي!
أنته مهما اتكون غالي
ما تجي السعر
الصريفه!
البيها ضحكات الموده ابلا دغش ,,ضحكه نضيفه!
يامضيفك
ما أضيفه
؛؛؛
ليشش اجامل
ياغراب اشجابك الصوت البلابل!!
الصفكه للشبعان!!.. لكن..
جنها عالفقره قنابل@@
ليشش أجامل
أحنه جوعانين بس نعرف نغازل!
ماتلوكنه السياسي... وما نجامل
خاطر انحصل وضيفه
ابهل صريفه!
الجوع كون اسمه خليفه
راح أسب حتى الخليفه
وما أضيفه!
حسين االساعدي