هنا

[فقار الكرخي]

السلام عليكم دررنا الغالين

اليوم بديت اتحضر لشهر رمضان المبارك
ويومية اشغل فيروز الصبح
وكلت اليوم لازم ابدي اغير واشغل قران وادعية

طبيت عاليوتيوب وكتبت ادعية صباحية
طلعن ٢ او ٣ ادعية سمعتهن
يخلص دعاء ويطلع دعاء اخر
الى ان طلعلي هذا الدعاء


الصراحة صدمني
لعن الله من سكن الزوراء وبغداد

هاي الامام علي يدعي علينة
زين ليش . احنة شسوينة وتجينة هيج لعنة

طبعا بيتنة كلش قريب على الزوراء .

طبيت بكوكل ادور وابحث عن مصدر هذا الدعاء
لكيتة موجود وصحيح بالكثير من الكتب
زين احنة اهل بغداد صلاتنة صيامنة شنو وضعة
معقولة كل هذا الجوع والتعب
وتالي يلعنه الامام علي ويروح تعبنة بلاش

دخلت على مواقع علماء وخطباء كلهم يعتقدون بصحة الخطبة

العندة معلومة عن الموضوع خل ينورنا
شلون انشيل من بغداد نبقه


لو باقي على فيروز احسلي بشرفي

[كرزاية]

يله خلي ادوراك وياي بيت ونصير جيران

اصلا اني هيج ادعيه ابتعد صراحه طريقة الالقاء الدعاء تكئبني وتنفرزني واضوج ويصر عدي يأس من دنيا والاخره

دعاء صوت وطريقه تسر القلب وتحس بالطمأنينه مو ترهب الواحد

[فقار الكرخي]

يله خلي ادوراك وياي بيت ونصير جيران

اصلا اني هيج ادعيه ابتعد صراحه طريقة الالقاء الدعاء تكئبني وتنفرزني واضوج ويصر عدي يأس من دنيا والاخره

دعاء صوت وطريقه تسر القلب وتحس بالطمأنينه مو ترهب الواحد

جيراني انت تصير وين احلى منها
البنت الحسن طليان هسة اذبحلها



اني كلما اتجه لله واريد اتوب
تطلعلي شغلة انصدم بيها

والعباس اهل بغداد وردة مال الله
بس ليش هيج ما ادري

[أبو ملاك]

والله فقوري.. أنت مواعيدك هواي بالزوراء..
وبكيف الله بعد إذا يغفرلك

[مصطفى العراب]

بسمه تعالى .. خرط

[فقار الكرخي]

والله فقوري.. أنت مواعيدك هواي بالزوراء..
وبكيف الله بعد إذا يغفرلك

ذكرتني بمواعيد الزوراء
بس خل اشوف موضوع هاي المصيبة شنو
واحجيلكياه


انا قلبي محروك وانت تتمضحك

[فقار الكرخي]

بسمه تعالى .. خرط

المشكلة اذا يطلع خرط
معناها مذهب كامل مقشمري صار مئات السنين
بهذا الخرط
ومعناها باقي الامور هم خرط

لك هاي شلون بلوة يربي



انا مستاء جدا

[فقار الكرخي]

هواي روايات بكتبنه هم خطأ
وما تگدر تأخذ بصحة رواية الا تتبع مصدره الرأيسي وتشوف اللي ناقله ثقة أو مو ثقه (علم الرجال)
واكو روايات انكتبت تحت تهديد السلطة
واكو روايات انكتب حسب متطالبات الجو العام للزمن اللي عايشين بي
واكو روايات انكتب بالرشوه :)
وبهاي الحالة تنعرض على القران اذا تمشي مع تعاليم القران ناخذ بيه ، اذا مخالفه نشمره
وما ربك بظلام للعبيد

اني من فتره من شفت كل فئة تحچي وحججه مقنعه وشي تسقط بشي بالمذاهب تركت هذا الموضوع ومشيت على البركة :)

هو اني الاعرضها على القران

غير اكو مراجع وعلماء ومفسرين
معقولة يعتقدون بيها وما عارضيها عالقران

امور الدين مو اني وانتي نكدر نكول عنها صح او خطأ
وخصوصا من تشوفين كبار العلماء وكبار الخطباء يعتبروها من المصادر المصدقة والثابتة
وفق ما درسو وبحثو وتحرو عنه

يعني مثلا اريد اكذب هاي الخطبة واكول كذب
معناها اكو امور لازم اكذبها اني جاي اعيشها وامارسها مثل بعض العبادات



الى الله المشتكى

[أبو ملاك]

ذكرتني بمواعيد الزوراء
بس خل اشوف موضوع هاي المصيبة شنو
واحجيلكياه


انا قلبي محروك وانت تتمضحك

أطفي كَلبك والله بس سولفلي على الزوراء..

لك فقار عيش حياتك مثل ما هي ولا تفكر بهاي الشغلات لأن تتعب وما توصل لنتيجة..
مرات كثرة التفكير يسويك ملحد ويطلعك من الدين..

[محمد البصراوي]

كرز شافتلك بيت يمهم توكل بعد شعندك بغداد
منو يكول هذه الرواية او الدعاء صحيح
واذا بقت على هاي بسيطة يقصد لا تواعد بالزوراء