هنا

[فقار الكرخي]

يهل تنشد علي نايم بالانعاش
وچثير من الخلگ مثلي بالانعاش
تداركني گبل حملي بالانعاش
وگبل لاينسد المظلم علية



عفس طبعي خبيث الطبع بسطل
غبي وراسم على الخدين بسطل
غديت انزح بدمع العين بسطل
على ذات الردي وابن الردية



الدهر بس البراسه جنون يمنه
غدر بينه وبجار الجان يمنه
ماتنتصر يسره بغير يمنه
ولا يمنه بوحدها تسد ثنيه





ثلاثتهن مُنى الماحود والراي
يديرن في نواحي البلد والراي
خرس كاملات العقل والراي
مفرد لونهن ماهن سويه



المادارس يدب عن نفسه من الدب
وجثير الناس ماتفرق من الداب
يازارع كوم زم زرعك من الداب
الزرع مخطي ودواباتي بريه



فني وبالفنون ادركت كلفين
وعلية بس فنون القيد كلفين
علي كل يوم بيه افراك كلفين
منك يلسببيت الداي بية



عساها دار عز ودار وهنا
ولاهي دار ذل ودار وهنا
هنا نگضي توالي العمر وهنا
يتم حتفي ومراسيم المنية




رطب كنطار خد الترف مايوع
من اضوكنة بعد للموت مايوع
سالتة الكلب كلي الكلب مايوع
گتلة شبيك كلي البيك بيه



دهن للسير مامش ودهننة
جثيرات المصايب ودهننة
اذا ثكلت امرورك ودهننة
اتحملهن سفينتنة رهية




ابحر المكرمات الكم بينسان
مرمر محك للبايج بينسان
بعدكم اضل اتسله بينسان
حرت ومثالكم شحت عليه



حضة گلبي برفاهة يارحلهم
وأسه من مايراهم يارحلهم
بزواية معاي ديري يارحلهم
وطحني كوام جور الگصو بيه





موته الحشمت بيهم وناخيت
وهمهم مرد دلالي وناخيت
غطاهه الوحل من بركت وناخيت
اكضهه وتفلت وترخه من اديه




بعدلاكيت يطربني وبركيت
ودمعتي جيال ضمتهن وبركيت
غطاهه الوحل من ناخت وبركيت
اسحبتهه من الصرع ماجت بديه

[صقر عراقي]

جميل ورائع هاي الابيات الحسجة
بس هذا قديم واحد منهن
دهن للسير مامش ودهننة
جثيرات المصايب ودهننة
اذا ثكلت امرورك ودهننة
اتحملهن سفينتنة رهية
..............
بس بيه تغيير اشوية

[فقار الكرخي]

جميل ورائع هاي الابيات الحسجة
بس هذا قديم واحد منهن
دهن للسير مامش ودهننة
جثيرات المصايب ودهننة
اذا ثكلت امرورك ودهننة
اتحملهن سفينتنة رهية
..............
بس بيه تغيير اشوية

تموت عالدهن

[علي الواسطي]

عاشت ايدك يامبدع

[كرزاية]

روعه ياروعة

[صقر عراقي]

تموت عالدهن

ليش مانكول اللي كتب البيت والنقله هو اللي يموت ع الدهن
الدهن يزيد الكاسترول موزين

[فقار الكرخي]

منورين وحق هذا الله

[hamid noor alawady]

بيه ركه البيت

[فقار الكرخي]

نورت