هنا

[ارجع يازمان]

مو تدري الخبط مو زين,,, شجاك وما صرت صافي!
الوادم من تجي امنورين
بس انتَ التجي ,,, طافي!
ضميرك لو صحه فد يوم ,,جا كلك ولك كافي!!!
ولك كافي
تخلي أحباب ,, عن أحبابها اجافي!!
ولك كافي
أخاف اسمك أكولنه ,, وأعرفه اينكس اشفافي!!
ولك كافي
يل نفسك مريضه اهواي ,,
الله النفسك ايشافي,
ولك كافي
عشت مسموم
باحضان الحقد غافي!
ولك كافي
تضل ليوين!!
كلبك بالحسد خافي!
ولك كافي
النفاق البيك ,,خراب وبالفتن لافي
ولك كافي
تعض اجفوف ,, تنطي وخلتك دافي!
تبقه صورتي حلوه ,, اشكد متشوه أوصافي!
جريمه تنحسب عالناس,, يل ما توصل انصافي!
لأنك تختلف عنهم,, وبس بالفتنه متعافي!!
الناس اتمنت الهل ناس ,,
خير,, وصحه ,, وتوافي!
وانته الوحدك اتمنيت ,, كزازه اتصير للحافي!!
كزازه اتصير للحافي!
حسين االساعدي