هنا

[ارجع يازمان]

ضيم العَلي ما مثله كل ضيم
خلاني أروح الطرت الثوب!
.
جا رَهمت لو بيها ترهيم!
انسدت ابوجهي كل الدروب!!
.
كلما كلت تمطر واجه الغيم!
غيمة جذب فشختها حالوب!
.
من مثلي شاف ابعمره تحطيم!
حتى ابدعائي اتزيد الذنوب!!
.
فكرت أقسم عمري تقسيم
شفت العمر باحزانه مذبوب!!!
.
الراس مال اهدمته ...تهديم
وفوك الخساره انوبه مطلوب!!
.
ما حصليت ابعمري تكريم
دوم ابوراهم كلبي متعوب!
.
اهوايه بشر محتاجه ترميم
حاولت أصلح كل العيوب!
.
وشفت الحياة اتريد تعتيم
بدلت عقلي ابعقل مضروب!
.
عفت الفهم ,, ماحاجه تفهيم!
أقرأ الوهم,, ما أقرأ مكتوب!
.
اعرف ابثوبي ايريد تغريم!!
ما غرمت ,,,, لبسيته مكلوب!
.
المايسوه ريشه انطيته تعظيم
وحتى العدو سميته محبوب!
.
اشكد غربلت ماكضهم السيم!
طاحواا واغربل بيهم انوب!
.
لا من تبت لا خذت تعليم!
أحلف أتوب وأدري ما اتوب!
أحلف أتوب وأدري ما توب!
حسين االساعدي