سالوفه..
.................
حبيته من الاول....
ماعرف عنه...
ريض ياكلب هلوكت ماكله....؟
ترف ادري كمت...
واعرف شتتمنه...
صدك من يمر عن حالته نسأله...
من مر ونشدته ...
وطلع ملك الغير...
موضوعك اتسده ياكلب فشله...
كلت الله يسعده..
ودوم خله بخير..
اليحب للي يحبه دوم يفرحله...
بعد سنتين مرني..
وشفت حاله اشلون..
اثاري البين صابه بسهم وبغفله..
لن حاله تغير...
والزمن خوان...
الف ياحيف من بانت عليه خله...
كتله اني اخوك..
خلني الك عوان...
أفدي الروح ابد لاتشعر بذله...
خل فكرك بعيد ..
والك اني احزام..
اذا لله المحبه تكبر وتحله...
ولأن ضرفك عرفته..
وصعب هذا الصار...
حن كلبي الك مو كصدي اتسله...
ردت بس شوفتك..
ظل بالي مامرتاح..
مارايد عنب لارايد السله..
كل غايه وطمع..
ماعندي اني اوياك....
بس واجب علي لصوابك انشله..
شو.تالي ابتعد..
ماعرف أصبح وين..
ياهو الي أنشده أوين اندله
.......................................... ..
بقلم الدغاري ٢٢ شباط ٢٠٢٤
رد مع اقتباس
المشاركة الأصلية كتبت بواسطة آيمـيلُِـي ♪
