هنا

[ارجع يازمان]

اشلون أرجعك ياعراق!
والشعب مدري شجاله,, قابل بحكم النفاق!
اشبيك ساكت عن حكومه ,, الذِلتك سوو سباق
تدري بس المصلحتهم ,, عدهم ايصير اتفاق!
ليششش للحريه جنك ,, مابقه بيك اشتياق!
ليششش كلما ثرت ضدهم!, لازم ايصير اختراق!!
يعني لو دجاله تحكم!!,, لو هذولاك الرفاق!!
أنه بالغربه وأسمعك!
تشتكيلي وصعب وضعك!
الجان يتمنى يتبعك!
عالدول صاير يوزعك!
ليوره كلها تدفعك!!
حتى شعبك ما ينفعك!
للأَمام اشلون أرجعك!
ياعراق
اشلون أرجعك!
جنت تفزع لليفزعك
ليش ما تفزع الوضعك!
ليش ساكت عاليخدعك!
الذله ما يقبلها طبعك!
وانتَ ورده ابروحي أزرعك
ودعت بعيوني دمعك,,
مدري اليا ضيم أودعك!
ضيمك ,,,, وضيم الفراق!,,,, اشلون أرجعك ياعراق!!
اشلون أرجعك يا عراااااق
حسين االساعدي