روح القرآن انتَ عرش السلطان انتَ
اخر قربان أنتَ روح القرآن
ما يطر فجر الله گبلك الا يترخص جروحك
وما يصير الليل اسود الا ياخذ حزن روحك
وادري بعيوني گصيره بالحلم خليني الوحك
ارد اندلك محبوبي وطيح ذنوبي ودليني
هب نسمه وخلي اشتمك واگعد يمك خليني
كل هذا الخير منك والعاشگ غير منك
وجناح الطير منك روح القرآن
حتى إذا تبطي عليّة ما امل وراح اتاني
مثل الأبخور اگضي طولي وانه ما عايف مكاني
عمري من يخلص اتگلي هاك خذلك عُمر ثاني
مثل اجروحك بس بيبانك عنوانك ماهوه
والما يگضيها اعثوگه يم معشوگه مو حلوه
تاخذني اوياك نظره عوزي لملگاك نظره
الدنيا ابلياك نظره روح القرآن
من كثر مابيه الك حُب والهوى بصدري حبسته
حتى روحي استغربتني وعني تسئلني ياهو انتَ
من كثر ما اگول اسمك حتى اسمي ما حفظته
داير وجهي وما أشوفك وانتَ چفوفك تنتظره
بس المعشوگه حسينك تهواه عينك وتعذره
بير ومفضوح گلبي جرح ومفتوح گلبي
شال اسمك روح گلبي
رد مع اقتباس
