هنا

[ارجع يازمان]

اذا ما تهتم النفسك ,, ماكو بشر يهتم بيك!
بيدك تبني شخصيتك ,, وانتَ اتحدد اليرضيك!
أوصيك ابوصايا اتفيد ,,
بس لا تنسه شموصيك!!
لتحطلك سعر معروف ,, كلمة غالي خل تكفيك!!
ولا تتسرع ب أحكام ,, ابميزان العقل خليك,,
واهم نقطه ابحياتك كون ,, أبد متعوف اليوافيك!
كلشي اتصادف ابدنياك ,,
الدنيا أشكال التراويك!
راح اتشوف اليفرحك,, وراح اتشوف اليبجيك
راح اتشوف ناس اهواي ,, ابحياتك لازم اتلاكيك
لا تنفخ بشر محدود!,, ترى ابنفخه يطك اعليك!
وبعد أياك ثم أياك,,
تثق ابكلمن ايمر ليك!
.
ومو كل ضحكه تاخذها
وبطمئنانها اتخليك!
.
ألاسد لو كشرالك يوم
اجاك ابضحكت التنهيك!!
.
أخلاق البشر أوزان,,
وانتَ بالوزن شعليك!!
بيهم يصح تاج الراس,, يوم الشده ميجافيك!!
وبيهم ما يصح امداس!,, من اتكَدره ميكَفيك!
من اتكَدره ميكفيك!!
حسين االساعدي