صار الهيبه البي حسدونه
سبحان الله السوه عيونه
احلى من الدر يوصفونه
* نور اهلاله حبيبي*
* الشافه هنياله حبيبي*
هيل وطش بكل اولايه
شعلو شموع وحنو الرايه
الله اليوم منزل ايه
* الله حياله حبيبي*
* موتو عذاله حبيبي*
هاي ليله وخوش ليله
الما يصفگ برد حيله
طشو چكليت بشليله
يا هلي وناسي
ذكرو كل ناسي
روح يا ساعي بريده
وكله غيرك ما اريده
يا نبض گلبي ووريده
يا هوه انفاسي
عشگي وحساسي
سوو درب للشيعه خلي يهوسون
شماتنه من القهر راح يموتون
عدنه علگ شنسوي بأم سبع عيون
فرغو الساحه راح نهوس فرغو الساحه
مامش راحه گاع الله تحس مامش راحه
فرغو الساحه راح نهوس فرغو الساحه
فرحت بيك الشيعه الليله
وامك شدت رايه وشيلة
والمارادك شنسويله
* واليحب وينه حبيبي*
* هذا مهدينه حبيبي*
لا يتوازه المابي غيره
فرحانين بشيخ الديره
ما يتوصف هاي الحيره
* بسمته وعينه حبيبي*
* يشبه حسينه حبيبي*
يا جماله منين جابه
چنه عباس بشبابه
منه للفردوس بابه
الله مختاره
سيد الشاره
بدر وبليلة تمامه
شيوخ من الله عمامه
باچر يرد بسلامه
بيده فقاره
هاي البشاره
صار ازدحام اعله الورد والچكليت
شرف الدنيا هلالكم يهل البيت
ما شايلتني الگاع من تعنيت
صار الغالي يا گلبي افرح صار الغالي
يا هنيالي حبيت الصح يا هنيالي
صار الغالي يا گلبي افرح صار الغالي
لو بس المح طولك باچر
ما يغلبني بوصفك شاعر
والله اكتبلك شي ما صاير
* يا نظر عيني حبيبي*
* روحي وسنيني حبيبي*
ياهو اليوم يريد مراده
نمشي نحني بيوت الساده
كل العالم لو حساده
* لا متعنيلي حبيبي*
*قبلتي وديني حبيبي*
هلا بخيمتنه الچبيره
وشيخ عام اعله العشيره
سيد الكون واميره
سامع اعلومه
سيد الحومه
صلو عالمصطفى طـٰه
ابو صالح نوراهه
هاي شمس الله عماهه
تخبل رسومه
هيبه من يومه
هذا حبيب الروح من اسمع جاي
يركض مسوده عالخبر گلبي وياي
يا هلا و100 هلا بجيت مولاي
لو مهدينه لو ما نعشگ لو مهدينه
منتظرينه خيال الحگ منتظرينه
لو مهدينه لو ما نعشگ لو مهدينه
أداء | محمد الحلفي
كلمات. | محمد الموسوي
رد مع اقتباس
المشاركة الأصلية كتبت بواسطة ৡ⚘أೂـيـر ألـنـ੭ــل⚘ৡ
