هنا

[ارجع يازمان]

يسألوني ليشششش أودك؟
وبس الك أكتب شعر!
وليشششش بس انته ابخيالي,, تختلف عن البشر!
وضوجوني ,,,,
من كثر ما يسئلوني!!
وبعد ما أكدر
أواصل
منسحب ,,,,, واعذاري عندك!
ولهذا راح اعوفك
ما أقلدك!
حتى أسايرهم وأخلص ,,من ملامات القهر!
راح اوافق بالشرط ,, وابقه انتظر!
راح أكلهم
جيبو مَرجع
حتى أقلده
اشباقي بسنين العمر..
شرط عوجيته تعادل ,, راجمه * وجيش* ونصر
وشرط كون الهيبه باسمه
والوجه مثل الكمُر,
وشرط كون اللي ينظره ,, مايمل منه النظر!
وصايته كلش قديمه! وتستحي منها الصور!
وشرط كون أكفان يلبس,, وهو اليصيح القدر!
وشرط اسمه الليث الابيض,, يضحك ابنص الخطر!
وشرط كون انسمعه يحجي! ما سكت يوم الحشر!
وشرط كون ايكله ( كلا)
لو رجع صدام هسه امن الحفر!
وشرط كون ايكون ثوري !.. وبيده سيف المنتظر!
لو تجيبونه انه اقلده ,,
ابهل وصف طول الدهر,,
بس بقه شرط الاخير, الأبد ما يقبل عذر
كون ذاك الراح أقلده
اسمه محمد الصادق ,والنسب ال الصدر
النسب أل الصدر.
حسين االساعدي