هنا

[ارجع يازمان]

محمد لا تضل نايم ,,, محمد كوم
::::
جرح مظلوم
امعلكه ابصورتك للدوم
أريدنه يضل
​ ابكل وقت ملجوم!
الله لا يوفقني ,, محمد لو نسيتك يوم
الك تتصايح الدمعات,,
وتفزع كلب مهموم,
بيش اتعوض الايام!! ,, اذا تاخذ عجيد الكَوم!!
لو غاب الكمر عالناس,,الضي ما تعوضه انجوم***
محمد لا تضل نايم!
محمد كوم
كل مخلص صفى ابلياك,, عاش ابحسرة المهضوم!
مدري اشكد أحبنك!!
مالاكي رقم معلوم!
انته أول بشر بالناس عديته ورى المعصوم,
أكعد خله يكمل بيك,, البراني البقه مثلوم/
محمد لا تضل نايم!
محمد كوم,
شجاني وما جنت يمك؟. من بيك المنايا اتحوم
الراحت عله الحنانه,, متعنيه الكُمر مرسوم!!
الشهاده قسمه من الله,, ويوديها ابقدر مقسوم!
ولأن ماتت انه اوياك ,,
ورى موتك كتلني اللوم!
بدموع الندم ضليت ,, وضليت أحسد المعدوم!
عراقك هسه يتنخاك
من اذيوول الاجو لملوم!
.
اجو ويه العدو مناك
نهبوا شعبك المحروم!
.
والمنبر (فارغ ) ابلياك!
ماسدوا فراغك يوم!
.
اشعجب حالتنه متهمك!
وباقي مستلذ بالنوم؟؟؟؟؟
محمد
لا تضل نايم ,,,محمد كوم!
محمد كوم
حسين االساعدي