هنا

[ارجع يازمان]

سراب وناي
أركض سابكيت الموت!
جنت امصدك ابدنياي!!
أثاري لو صحيح اتصير
محد يبتلي ابلواي!!
يركض بس خيالي اللي عزف وياي!
ماكو ماي!
مصيبه النظر من ينعاب!
راواني بحر ,,, لكن طلع جذاب!
سمعوا
بالدموع اعتاب
كالولي الصبر مفتاح!
((( بس دورت ماكو باب!!
جوع
وبس ذيابه امكشرين انياب!
كالوا بالدعاء فرصه
طلبت امن السمه كرصه!
الماعنده أأكل ما يهم بلغصه,
شفت اكصص ولا نكطة بخت بيها!
وشفت العالي ضل ينصه!
وخذت من كِصتي النكطات... صار اسنين اوزعهن ابكل كصه!
ابكل كصه احط نكطه!
بس ما فاد
ضلن ولايات اهواي!
وبعد ما خلصت بغداد!!
لأن ماكفت الحصه!!
:
شفت واحد جان يحجي
ابصوت عالي!
ومن شهد بحجاية الحق نصه صوته!
خاف لا واحد يسمعه! الهسه تلكونه ابسكوته!
العنده من يوسف قليل..
اهوايه عنده مثل اخوته!!!!!!
راسم ابطولي ذنب ماله سماح!
الساوه خواف وشجاع! ,,, اشكد قذر هذا ااالسلاح!
ما أأأأأأرتاح!!
ماطول اعله باطل يردح اللفاح!
واليسوه الحياة ايروح ,, والمايسوه ضل ماراح!
جا ما راحوا الطيبين ,, كون امبدلين ارواح!
وشفت واحد
اكبالي طاح
دافع عنهم وعدموه!
ماراحوا يشيلونه ,, التهوا صفكوا للذباح!
وعلي كون ابحيره انعيش ,,الوادم تنكلب تمساح!!
الطعنه حلوه من تنكال
مطوره على الدجه!
وانه بالمحطه ابليل ,, المحطه الحالي تتبجه!
شافوني إمن أطيح
ابجرحي أتوجه!
كالو المن امتاني؟ كلتلهم امتاني الريل
جنت ابدمعي أتحجه!
كالوا ما يجيك الريل,, الحاكم بايك السجه!
الحاكم بايك السجه,,,
حسين االساعدي