هنا

[ارجع يازمان]

كلهن ( بالظهر ) عاشت اديكم,,
::
أنه لو طحت كلكم تطيحون!!
لا تدعون أطيح ونزلوا اديكم,,
.
هيه ابلا نظر شتفيد العيون!
و الكل زينه بيدي امدلي بيكم!!
.
امسويكم ( علم ) بيكم يهوسون
يعني الصيت من عندي اليجيكم!
.
حرامات ابسعر زاهد تبيعون!
شو نفس السعر من مشتريكم!!
.
راوستوا الرزين .. ابعقل مجنون!
وخليتوا السلف يضحك عليكم!!
.
انطيكم عذر .. من ما تطلعون
تخافون المنايا .... الترتبيكم!
.
ما منتظر منكم ,,, ما تكدرون!
أنه ابهل ضرف_ متعني ليكم!!
.
كطعت الكم درب ما ينطي مضمون
دايس عالخطر,, حتى اعتنيكم!
.
شفت حيرتكم ابين اليكرهون
تبجون ,,,,, ومينفعكم بجيكم!
.
اعاين بالسلف طاعن ومطعون
المهم لحكت أصد هجمه التجيكم
.
من طك الرصاص ابرجت الكون
وانتوا ابظهري.. ما أفرزن حجيكم!
.
اسمع صايح .. وما فاهم اشلون
بس كلمة (ظهر) متوضحه بيكم!

واجن طلقاتكم .. لمن ترامون
كلهن ( بالظهر ) عاشت اديكم
كلهن بالظهر ,,, عاشت اديكم
حسين االساعدي