عندي إحساس شمايتفضض
زلفي ويكثر شيب الراس

چن اطفال الدنيه بگدي
وروحي ترفرف بين الناس

ومستانس باحساسي العندي
چن اطفال الدنيه بگدي
نتفارگ والعمر ايعدي

وروحي ترفرف بين الناس
..
راسم باحساسي اشچم لوحه
طيبه وفرحه وراحة بال

اختل بالليل بصفناتي
لهنااااك وصارن موال

عايش مثل الشجره الخضره
ماعايش مثل التمثال
(ناصب مرجوحه بنص گلبي)
ترفه وتلعب بيهه اطفال

اوياي الشيب احتار بأمره
شمايكثر روحي ترد خضره
تفتر مثل الطيره الحره

وترفرف مابين الناس

عندي احساس اشمايتفضض
زلفي ويكثر شيب الراس

چن اطفال الدنيه بگدي
وروحي ترفرف بين الناس












حسين صالح الجاسم