كلمات أغنية خارطة روحي - محمود التركي

لو تشوف شصار بيا
من اجت عينك عليا
قلبي قبل عيوني حبك
طلعت الشغلة من ايديه
اكو ناس يدزهم الله
مو بشر جنهم هديه

حبيبي اللي انتظرته
القبل باحلامي شفته

مدري اشلون اترجم
هذا حبي
نفس تصعد وتنزل
بدونك ما اكمل
بالدگات ماخذ دور قلبي

خارطة روحي واهلها
والعالم والدنيا كلها
حتى لو مملكة غيري
هم اقاتل واجي احتلها
عاشگك بس مو بكيفي
عاشگك غصباً عليا

وجيت والله جابك
وصرت حتى بعذابك
استطعم واشوف الدنيا حلوة
ولو توگع مجرة
ما تحركلي شعرة
بس فراگ عينك عندي بلوة

الدنيا قبلك شسميها
هي والناس العليها
كارثة وعايشها وحدي
وسبع مليارات بيها
عاشگك بس مو بكيفي
عاشگك غصباً عليا
اكو ناس يدزهم الله
مو بشر چنهم هديه