هنا

[فقار الكرخي]

يجي يوم ويصير ابينا فراك
وحتى العصبيتي راح تشتاك

اهنا طعم الخسارة يبين عليك
بعد الكبرياء تعيش ذله

اهنا تشتاك حتى العركتي وياك
وتتمنى الوكت ينعاد كله

وتحن على سلوبي الزاعجك جان
وتظل تشتاك لاسألتي الممله

* اهنا تضحك اذا مر بيك تابوت
وتظل تبجي من تشوف عشاگ

وترد تقره الرسايل قبل لتنام
وتشوف شكد عشت ذله علمودك

من اكتبلك رسالة بكلب محروك
وانت ترد عليه بكل برودك

تعرف قيمتي من تفارك وياك
وشكد رخصتني واني غالي

بعد ما جنت كوه تسولف وياي
واشكيلك واشوفك لا ابالي

جنت مدير بالك من احاجيك
هسه امنيتك تمر على بالي

باجر تفتقد كل هاي الاشياء
وتشتاك المزاجي البرتقالي

اهنا تجلد ضميرك حتى ترتاح
بس جروح كلبك يبقن اغماك

اهنانه تعيش بس تعيش تنور
كلما تنطفي يظل بي حراك

يجي يوم يوم ويصير ابينا فراك
وحتى العصبيتي راح تشتاك











حيدر الشكري

[ملكةه]

حلوه شكرا للنقل

[يحيى السعدون]

جنت مدير بالك من احاجيك
هسه امنيتك تمر على بالي

باجر تفتقد كل هاي الاشياء
وتشتاك المزاجي البرتقالي

ياسلام روعه
عاشت الايادي

[فقار الكرخي]

منورين