كلمات قصيدة خلصت الخدمة


ما شبعنه من اللطم و قرايتكخلصت الخدمة و درب مشايتك
يا أبا عبدالله
شهرين شفناهن حلم مرن علينه ابلحظات
عشناهن بدمعة وتعب يسون عمرنه الي فات
خلصت أيامك والخدم تجوي الشمس بالحسرات
يحسين خلصت خدمتك لو گالها الخادم مات
خدم عند كل سنة اتدم ثايتك
خلصت الخدمة و درب مشايتك
يا أبا عبدالله
ما ردنه ايام السنة الما بيها هاي الشهرين
الموت اهون عالخدم من دنيه ما بيها حسين
خلصت و ينشدنه الدرب يحسين زوارك وين
بالموكب اتلم الخدم بس اشيلم دمع العين
و الخدم عاشت جبيره بصايتك
خلصت الخدمة و درب مشايتك
يا أبا عبدالله
كل خادم ايروح الهله و تنلاگه بالعام الجاي
و گلنه وطنه موكبك و انت الأهل يا مولاي
شفناك ماي ابكربله و الماي وزعلك ماي
قصرنه خاف بخدمتك سامحنه يحسين هواي
اشما خدمنه ما وصلنه الغايتك
خلصت الخدمة و درب مشايتك
يا أبا عبدالله
خلصت أيامك و الدرب ما بيه بعد مشايه
صاح ابو الموكب يالخدم ياهو الينزل الرايه
و اتحاضنت كلها و بجت محد حچاله حچايه
بيت الحسين و ينهدم صعبه علينه اهوايه
فوگ كل موكب ضريخ الرايتك
خلصت الخدمة و درب مشايتك
يا أبا عبدالله