كلمات لطمية زينب ردت من الشام مسلم الوائلي

ومن جاراه
علي الاكبر الغرابي
زينب ردت من الشام
تنشد عن اهاليها
تشجي تريد للوليان
ضيم اللي سده عليها
صاحت ياعلي السجاد
وتهل الدمع عبره
يبني جسم ابوك حسين
كلي بيا كتر كبره
ارد اكعد واسولفله
كل اللي سده واجره
واسجب دمعت عيوني
واراوي للولي امتوني
عنه بيوم مشوني
واخبره ابناكتي الهزله
وياهو اللي يباريها
دليني ارد اسولفله
عالشام وخرايبهه
واحنه شلون طبينه
ديره المحد يطبهه
لا فزعت عشيره ولا
رف بيرغ كرايبهه
وهاي الما علينه تلوك
علويات فوك النوك
طبينه بهذاك السوك
وكل وحده اتعثر يحسين
ابسوطه الشمر يوليها
دلاهه اعله كبر حسين
لاجن عالكبر طاحت
كامت عالوجه تلطم
وسالت عينها وصاحت
خواتك من عكب عيناك
يبن امي بيسر راحت
ردت ليلك تشجيلك
وتتصارخ مداليلك
يبو السجاد شحجيلك
يوم الوصلوهه الشام
والوادم لفت ليها
ابهمهه وجوجبت يمه
وصاحت خويه يحسيني
شيال الرمح يحسين
يمك ما يخليني
كلما كرب ابشوفي
دار الراس عن عيني
ويهز رمحك اكبالي
وانه يشوغ دلالي
هذا حسينج الغالي
كام يصيح وانه العين
غركانه ابواجيها
لكينه الناس ملتمه
زلم يحسين ونساوين
تدك بدفوف يبن امي
وكلهه ابجتلك امعيدين
من شافو ضعنه اكبل
دار عالضعن صوبين
تعاين كامت علينه
كلهه تسممت بينه
سجادك امكيدينه
واطفالك يبو السجاد
على الهزل امجتفيها
بثمانيك احتاريت
كلهه اتصيح ياعمه
ومامش بس علي السجاد
يمي وحاير ابهمه
وخلفله اعله راسك ذاك
دار عيونهم يمه
وصار الشام كله عيون
ويعاين لطول ام عون
ومن التعب مامش لون
ومن بعد الخدر يحسين
طولي انشاف تاليها
ضلينه ثلث ساعات
والوادم علينه اصفوف
كلهه امعيده ابجتلك
يحسين وتدك بدفوف
وطفالك على الهزل
تبجي ترجف من الخوف
عالهزل يرجبونه
وسبي الكفر يسبونه
خوارج من يسمونه
روحي اتشوغ يبن امي
وودي الموت يلفيها
طبينه القصر يحسين
بس شلون طبينه
كلهه عيونهه اعله الراس
وانت عيونك علينه
ومن هول المصايب ذيج
هسه عليك ردينه
رديت اعله هذا الحال
بعيوني الدمع شلال
وياسهم الهجر جتال
وبس عليك راح تصير
زينب كل نواعيها