هنا

[فقار الكرخي]

وينهم ؟ ذبني عليهم ،
ها يخضر الياس آجيتك ،
شوغتي تجفّل خيالي .
تدري عد الله شكبرها ...
كونك آتذبني آعلى غالي ؟
يا بخت عين التطيح آلها آعلى غالي .
وينهم؟ جم مغربيه ....
روحي تغرب مايعه بكَذلة شمس ...
وترد عليّ بوجه خالي .
صار جم شباج آهزن ،
جم علك شديت وآترجّه وآبوس ...
وما كو تالي .
صار جم هدهد أودي ...
ومامش ولا ريشه بيها عطورهم ...
توكَف آكَبالي .
يا حريج فراكَهم ...
ومنادس الما يستحون ....
وشوغتي وضيم الليالي
آه والتاكل بكَلبي ،
خايف يكَولون سالي .
ها يخضر الياس آجيتك .
عالك شموعك على جفوفي ...
أخاف ،
ما آمخليها آعلى موجه ،
اليوم آشوف الموج عالي ،
خاف تطفه وما يجون .






عبد الكريم القصاب

[كرزاية]

روعه
شكرا لك

[فقار الكرخي]

غالية