قصيدة : يتامی ياعلي باجر يتامی مكتوبة

للشاعر : سيد عبدالخالق المحنة

يتامه ياعلي باجر يتامه

إذا ترحل على الدنيا السلامه

يوالينه .. تخلينه .. جرح بينه

.....

قمر ينزف دمه و يهتف فزت بيها

الصلاة رادت جرح راسك يصليها

شفت رمشك بده يرسم مآسيها

بني هاشم بديت أسمع بواجيها

إجت زينب يبو زينب دحاجيها

تقلك يا علي عد من تخليها

عساني لاشفت يومك عساني

يحيدر يفرح الفقدك زماني

يأذينه .. تخلينه .. جرح بينه

......

إجت يمك جرح دامي تون سكته

تقلك هاك إخذ روحي و تظل إنته

صعب يومك ولا بحسابي حاسبته

نده وينك يبو فاضل عهد ردته

حجي عندي يبو الغيره و إجه وكته

لزم إيده و يخليها إعله إيد إخته

أمانه زينب بإيدك أمانه

يظل عند يبو فاضل لوانه

توافينه .. تخلينه .. جرح بينه

.....
عهد مني لخليها أنا إبعيني

يبو الحمله وأبد ماعوفن احسيني

يزينب كل ألم عندج يأذيني

تره اليسره إلج فدوه فده إيميني

يزينب والوعد بالطف تشوفيني

و إذا عالمشرعه أوقع تعذريني

عليه إوداعتج خدرج عليه

و إعذريني إذا توقع إيديه

تشوفينه .. تخلينه .. جرح بينه

.....

بجه إبحسره ونظر نظره لبو الأكبر

شبح عينه و بده يعاين عله المنحر

إلك بالطف يضي عيني جرح أكبر

أشد من هامتي يبني و بعد أكثر

تظل وحدك و لا من هاشم اليحضر

رغم جرحك تظل عينك عله الخدر

أنظرك لو طحت ضامي أنظرك

يبويه آنه و الزهره نحضرك

تبجينه .. تخلينه .. جرح بينه

.....

بده إيطيل النظر وأحبابه متجمعه

أبو الأكبر إجه يمه و يهل دمعه

سمع زينب تنادي يمه يالبضعه

يجاوبها الحسن ونه و حنه ضلعه

وإبو فاضل لزم زينب إجه إيودعه

عسنك لا فجر باجر بلا طلعه

مصيبه ياعلي فقدك مصيبه

تموت إنت يبو الحمله عجيبه

يحادينه .. تخلينه .. جرح بينه

...

يظل أظلم بعد ياوسفه محرابك

تظل سوح الحرب عطشانه لحرابك

يبو الرحمه تعال إنظر على بابك

إلك أيتام إجت تسأل عله إصوابك

حبيب إنت تعال وشاهد أحبابك

و لا غيرك يصبرهم على إغيابك

يبونه لا تفارقنه يبونه

يتاماك وتره الوادم نسونه

يحامينه .. تخلينه .. جرح بينه

...

بعد عينك يظل منهو اليمر بينه

يناشدنه و يصبرنه و يواسينه

إذا جار الزمن بويه وقسه إعلينه

نروح إلمن يحيدرنه دحاجينه

نحلفك يا علي إبجمرة بواجينه

يبويه إوياك إخذنه ولا تخلينه

.. تخلينه .. جرح بينه

....

امي نذرتني .. هي وصتني

يمة لا تنسى علي

.......

جان الي والد يحبك يندبك يوم المحن

وامي غذتني الولاية من الطفوله وية اللبن

اكبر وهاي المحبة تكبر بكد الزمن

بذمتك امي امانه سيدي يابالحسن

تدعي وتصلي جانت تكلي

يمة لاتنسى علي

.....

جانت تلوليلي بسمك لمن تهز بالمهد

تكلي لا تنسى علي واندب علي يوم الشدد

يمة حيدر ما تعوفة انطيني من هسة عهد

انا كتلها وحياتج ما اعوفه للابد

لازمة ايدي تكلي يوليدي

يمة لا تنسى علي

.....
يا علي اشكر سعيها بتربيتها الطاهرة

تكلي اخدم بالمجالس يبني واخدم منبرة

يا علي انا بخدمتك صيح دنيا واخرة

يبني ولاخر حياتك هذا عهدي اتذكرة

اوفي تربيتي واسمع وصيتي

يمة لاتنسة علي

......

كبل لتموت سألتها بالوصية تلفظي

تكلي يمة خلي عمرك بالخدامه ينقضي

والي حيدر وبسوة حيدر ابد لا ترتضي

من يسألونك تكلهم انا شيعي ورافضي

لا يهمونك لو يذبحونك

يمة لا تنسى علي

....

تكول لا تترك طريقة يبني وامشي على الجمر

لا تعز عمرك ييمة وحيدر اغلى من العمر

الغالية الغذتني حبك يا علي من الصغر

وداعة الزهرة لامي احضر بالكبر

تكلي كل لحظة لو ردت ارضى

يمة لا تنسى علي

.......

كلمن يحبك يحيدر يشكر الله ويحمده

انته ويا بالقيامة على الكوثر موعده

واجب على الشيعي كون يبوس ايده لوالده

لان ما قر بالولاية اله طاهر مولده

امي اشكرهه توصي اذكرهه

يمة لا تنسى