هنا

[فقار الكرخي]

خلصت والمواقف سجلتها
وعرفت الناس لمن جربتها

على كل حال اكول الحمد لله
بقت عندي الكرامة ما بعتها

مو اني اليطخ الراس بالضيج
ركبتي انكسرت وما دنكتها

بس هي التحز بنفسي مرات
عضتني الحلوك الوكلتها

ما يحتاج اعاتب كلبي خلصان
اني من البداية توقعتها

هو الينكر المعروف معروف
ما يحتاج أوضح وضحتها

تطيح الاقنعة شما مرت ايام
أكتشفت وجوه نادم عاشرتها

من عيوني طاحت وادم اعزاز
اكسباير وما طول ووكتها

بفرحهم وبحزنهم شاد احزام
حتى همومهم عنهم شلتها

مثل الشجرة لميت العصافير
واول ما طحت طارت شفتها

بعد ما اجامل الجذاب جذاب
و الطيبة الزايده هم بطلتها

اذاني الوكت بس اني ممنون
هواي دروس منه تعلمتها

[كرزاية]

يسلموو

[فقار الكرخي]

نورتي