من اتعب اموت عليك
گطر من تجي مغيم
يالاسود مزنتك نشوه اريد اطفى واسافر بال .
واجيك من آخر الدنيا
نهر مسجون
لگه بخصرك تضاريسه ولعب شلال .
وابدي احچيلك شبيه
ذنب عطشان
لـنهودك واصابيعي تسولف كل صعب ينگال .
واطيحن ليل بمتونك
وانامن نومة الشامه .
واردن من جديد اصحى
وادردَغ ندى مغبش شاف ولايتك جامه .
واگول لـروحي هذا اهواچ عيشي الكيف واتوكحي
العشَگ من گلبه فك برزخ
والخايف يضل مگابل أوهامه .
وشعوفنك يلنك آخر المشوار
للعتمه وشفت روحي .
شمل منك يالمنزَل .. ايه وتشبگ جروحي .
ولا املك
أنه المتسودن بروحك
والمسودن ، گبل صاحي ، ولگه عيونك ، صبح عاشِگ .
تحن يمتى اشتهاك براسي چم آدم
لگاك محمل ولاحِگ .
يمتى وليلك شكبره
تعال اطفيلك الگمره
ونسولف طوخ
أحب ليلك مثل رمشك ناگع كلش وغامْگ .
تعال وبيه خلگ الميل
اطوف بطولك .. من اتعب اموت عليك متشابْگ .
احمد الوراف
رد مع اقتباس
